പാനൂര്: ഉണങ്ങാത്ത മുറിവും വറ്റാത്ത പ്രചോദനവുമാണ് പന്ന്യന്നൂര് ചന്ദ്രനെന്ന് ബിജെപി ദേശീയനിര്വ്വാഹക സമിതി അംഗം പി.കെ.കൃഷ്ണദാസ് പറഞ്ഞു. പന്ന്യന്നൂര് ചന്ദ്രന് ബലിദാനദിനത്തില് പാനൂര് ണില് സംഘടിപ്പിച്ച അനുസ്മരണസമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. പ്രത്യയശാസ്ത്രം നശിച്ച സിപിഎം അരുംകൊലകള് നടത്തി സംഘപ്രസ്ഥാനങ്ങള്ക്കെതിരെ ഉന്മൂലന സിദ്ധാന്തം നടപ്പാക്കുകയായിരുന്നു. അതിലൂടെ സംഘത്തെ ഇല്ലായ്മ ചെയ്യാന് കഴിയുമെന്ന് സിപിഎം കരുതി. എന്നാല് ധീരബലിദാനികള് ഉയര്ത്തിപിടിച്ച ആദര്ശത്തിന്റെ കാവിപ്പതാക ഏറ്റുപിടിക്കാന് പതിനായിരങ്ങള് അണിനിരക്കുന്ന കാഴ്ചയാണ് ഇന്നു കാണാന് സാധിക്കുന്നത്. ആദര്ശത്തിന്റെ പ്രേരണയില് പ്രവര്ത്തിക്കുന്ന ബിജെപിക്കൊപ്പം കേരളജനത മനസ്കൊണ്ട് ചേര്ന്നുകഴിഞ്ഞു. നിയമസഭാതിരഞ്ഞെടുപ്പിലെ ചരിത്രപരമായ വിജയവും മുന്നേറ്റവും സൂചിപ്പിക്കുന്നത് അതാണ്. ഇടതുംവലതും ഒരുമിച്ചാണ് തിരഞ്ഞെടുപ്പില് എന്ഡിഎയെ നേരിട്ടത്. എന്നിട്ടും ശക്തമായ സാന്നിധ്യമായി ഓരോ നിയോജക മണ്ഡലങ്ങളിലും എന്ഡിഎ മാറി. ഒരാദര്ശത്തിനു വേണ്ടി, രാഷ്ട്രീയ പ്രവര്ത്തന സ്വാതന്ത്ര്യത്തിനു വേണ്ടി കണ്ണൂരിന്റെ മണ്ണില് പോരാടിവീണത് നിരവധി ധീരസ്വയംസേവകരാണ്. അവരുടെ ഉജ്ജ്വലമായ ഓര്മ്മകളാണ് നമുക്ക് പ്രവര്ത്തിക്കാന് പ്രേരണ നല്കുന്നത്. അധികാരം ലഭിച്ചത് അക്രമം നടത്താനുളള ലൈസന്സല്ലെന്ന്് പിണറായി വിജയന് അണികളെ ബോധ്യപ്പെടുത്തണം. അപരിഷ്കൃതമായ പ്രവര്ത്തനശൈലി സിപിഎം ഉപേക്ഷിക്കണം. കാലം മാറിയിട്ടും സിപിഎം അക്രമത്തിന്റെ പാതയില് തന്നെയാണ്. മുഖ്യമന്ത്രിയുടെ നാട്ടിലെ ബിജെപി പ്രവര്ത്തകരെ ജീവിക്കാന് അനുവദിക്കില്ല എന്ന് പറയുന്നത് അതിന്റെ സൂചനയാണ്. വീടുകളും വാഹനങ്ങളും കുടിവെളളവും മുട്ടിച്ച് അരാജകത്വം സൃഷ്ടിക്കുകയാണ് സിപിഎം. ഭരണത്തണലില് എന്തുമാകാമെന്നത് മൗഢ്യധാരണയാണ് ിരവധി പ്രതിസന്ധികള് തരണം ചെയ്ത് വളര്ന്ന സംഘപരിവാര് പ്രസ്ഥാനങ്ങള് സിപിഎം അക്രമത്തിനു മുന്നില് തളരില്ല. ധീരരായ ബലിദാനികള് ഉയര്ത്തിപ്പിടിച്ച ആദര്ശത്തിന്റെ പൊന്പതാകയുമായി സിപിഎം അക്രമത്തിനെതിരെ പോരാട്ടം തുടരുമെന്നും അദ്ദേഹം തുടര്ന്നു പറഞ്ഞു. ബിജെപി കൂത്തുപറമ്പ് മണ്ഡലം പ്രസിഡണ്ട് വി.പി.സുരേന്ദ്രന് അദ്ധ്യക്ഷത വഹിച്ചു. പി.സത്യപ്രകാശ്, വിജയന്വട്ടിപ്രം, മോഹനന്മാനന്തേരി, കെപി.സഞ്ജീവ്കുമാര്, വി.പി.ബാലന്, രാജേഷ്കൊച്ചിയങ്ങാടി തുടങ്ങിയ നേതാക്കള് പ്രസംഗിച്ചു. കെ.കെ.ധനഞ്ജയന് സ്വാഗതവും കെ.കെ.ചന്ദ്രന് നന്ദിയും പറഞ്ഞു.
ഉണങ്ങാത്ത മുറിവും വറ്റാത്ത പ്രചോദനവുമാണ് പന്ന്യന്നൂര് ചന്ദ്രന്: പി.കെ.കൃഷ്ണദാസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.