ഉപയോഗിച്ചുകൊണ്ടിരുന്ന ഏതൊരു ആഭരണത്തിലും ഫാഷന് കൊണ്ടുവരിക എന്നതാണ് ന്യൂജെനറേഷന് കുട്ടികള്ക്ക് പ്രിയം. അത്തരം ന്യൂ ജനറേഷനെ ലക്ഷ്യമിട്ടുള്ള പുതിയ കര്ണാഭരണം വിപണിയിലെത്തിക്കഴിഞ്ഞു. ഉമ്മച്ചിയുടെ വെള്ളിച്ചിറ്റുകള് പോലെ കാത് മുഴുവന് അലങ്കരിക്കുന്ന കാതിലോല. കാത് മുഴുവന് കുത്താതെ തന്നെ ഉപയോഗിക്കാവുന്ന ഇയര് കഫാണ് ന്യൂജെന് താരമായിരിക്കുന്നത്. സ്വര്ണത്തിലും വെള്ളിയിലും ടൈറ്റാനിയത്തിലും ഗ്ലാസിലും തീര്ത്ത ഇയര് കഫ് കാതഴകിനെ അനുപമമാക്കുന്നു.
കമ്മലിടുന്ന ഭാഗത്തു നിന്നു കാതിന്റെ മുകള് ഭാഗം വരെ പടര്ന്നു നില്ക്കുന്നവയും കാതിന്റെ പിറകിലൂടെ അണിയാവുന്നതുമായ ഡിസൈനുകളില് ഇയര് കഫുകള് വിപണിയിലേക്ക് എത്തികഴിഞ്ഞു.
കാതില് തുളയില്ലെങ്കിലും ഇയര് കഫുകള് ഉപയോഗിക്കാം. വീണു പോകുമെന്ന പേടിയും വേണ്ട. ഇയര് കഫിന്റെ താഴെയും മുകളിലുമായി കാതില് പ്രസ് ചെയ്ത് പിടിപ്പിക്കാവുന്ന ഭാഗമും ഇതിനുണ്ട്. ഈ ഭാഗം കാതിനുവേണ്ട ഇറുക്കം നല്കുന്നു. മെറ്റല് വര്ക്കില് സ്റ്റോണും ഇനാമല് പെയിന്റും ചേര്ന്ന് തേന്വല്ലി പോലെയുള്ളവ കാതില് മുക്കാല് ഭാഗവും മറയ്ക്കും.
പാറിക്കളിക്കുന്ന ചിത്രശലഭമായും പൂക്കുലയും നക്ഷത്രക്കൂട്ടവും തൂങ്ങി കിടക്കുന്ന മാലാഖ ചിറകും തീതുപ്പുന്ന വ്യാളിയുമെല്ലാം ഇയര് കഫിലെ വൈവിധ്യങ്ങളാണ്. പറ്റിപിടിച്ചു നില്ക്കുന്ന കമ്മലുകള് പലര്ക്കും ഇഷ്ടമാകണമെന്നില്ല. അത്തരത്തിലുള്ളവര്ക്കായി ഹാങ്ങിങ് ഇയര് കഫുകളും വിപണിയിലുണ്ട്.
കാത് മുഴുവന് മറയ്ക്കാന് താല്പര്യമില്ലാത്തവര് നിരാശരാകേണ്ടതില്ല. കാതിന്റെ നടുഭാഗത്ത് പിടിപ്പിക്കാവുന്ന ഇയര് കഫ് ഡിസൈനുകളുമുണ്ട്. ലളിതമായി അണിയാന് അലങ്കാര റിങ് കഫുകള് ഉപയോഗിക്കാം. റിങ് കഫുകളില് ചെറിയ തൂങ്ങലുകളുള്ള ഡിസൈനിനും പ്രിയമേറെയാണ്. വസ്ത്രങ്ങള്ക്ക് യോജിച്ച ഇയര് കഫുകള് തിരഞ്ഞെടുക്കാവുന്നതാണ്. ചുരിദാറിനും സാരിക്കും സ്റ്റോണ് വര്ക്കുള്ളതു ചേരും.
സ്വര്ണ നിറമുള്ള ഉടലും നീലച്ചിറകുമായി പറന്നുയരുന്ന മയിലിന്റെ ഡിസൈനിലുള്ള ഇയര് കഫിന് 360 രൂപയാണ് വില. വളഞ്ഞു പുളഞ്ഞ് കിടക്കുന്ന മെഹന്തി കളര് ഡ്രാഗന് ഇയര് കഫിന് 350 രൂപ വരും. സ്റ്റോണ് വര്ക്കുള്ളവക്ക് 600 രൂപ മുതലാണ് വില വരുന്നത്. മൂന്നോ നാലോ ചെയിനുകള് മാത്രം കഫായി നില്ക്കുന്നവക്ക് 250 രൂപ മുതലാണ് വില. 150 രൂപ മുതലുള്ള വൈവിധ്യമാര്ന്ന ഇയര് കഫുകള് വിപണിയില് ലഭിക്കും.
