മരട്: ഹിന്ദു ഇക്കണോമിക് ഫോറം കേരളയുടെ അഞ്ചാമത് വാര്ഷിക പൊതുയോഗം നടന്നു. പ്രസിഡന്റ് രാഘവ മേനോന് അദ്ധ്യക്ഷത വഹിച്ചു. ഡോ.സി.വി. ആനന്ദബോസ് (റിട്ട. ഐഎഎസ്) ഉദ്ഘാടനം ചെയ്തു. ബിസിനസ് രംഗത്തെ വിദഗ്ധ ഉപദേശങ്ങള്, ജിഎസ്ടി മൂലം സംരംഭകര്ക്ക് ഉണ്ടാകുന്ന ഗുണങ്ങള്, കേന്ദ്രസംസ്ഥാന സാമ്പത്തിക ബന്ധങ്ങള് എന്നീ വിഷയങ്ങളെ സംബന്ധിച്ച് പ്രമുഖ സാമ്പത്തിക വിദഗ്ധന് വേണുഗോപാല് സി. ഗോവിന്ദ് മുഖ്യപ്രഭാഷണം നടത്തി.
സംസ്ഥാന വനിത കമ്മീഷന് മെമ്പര് ഡോ.ജെ. പ്രമീള ദേവീ പുതിയ സംരംഭകര്ക്ക് മാര്ഗനിര്ദ്ദേശങ്ങള് നല്കി. ഡോ: വിനു കുമാര് റിപ്പോര്ട്ട് അവതരിപ്പിച്ചു.
2016-17 ലെ സംസ്ഥാന ഭാരവാഹികളായി മേലേത്ത് രാധാകൃഷ്ണന് (പ്രസി), എം.ആര്. ശ്യാം (സെക്ര), നിബു പ്രഭ (ട്രഷ) എന്നിവരടങ്ങിയ 21 അംഗ കമ്മറ്റി അധികാരമേറ്റു.
വിവിധ ജില്ലകളിലുള്ള 33 ചാപ്റ്ററുകളില് നിന്നായി ആയിരത്തില്പ്പരം മെമ്പര്മാര് പങ്കെടുത്തു. മേലേത്ത് രാധാകൃഷ്ണന്, കെ.എ. മോഹന്ദാസ്, രാജന് നായര്, വി.ആര്. സുരേന്ദ്രന് നായര്, എം.ആര്. ശ്യാം എന്നിവര് സംസാരിച്ചു. ഡോ. വിനുകുമാര് സ്വാഗതവും നിബു പ്രഭ കൃതജ്ഞതയും പറഞ്ഞു.
