ആലപ്പുഴ: പഴയതിരുമല ക്ഷേത്രത്തില് ഗൗഡസാരസ്വത ബ്രാഹ്മണരുടെ ആത്മീയ ഗുരുവായ സംയമീന്ദ്ര തീര്ത്ഥയുടെ ചതുര്ദിന ക്യാമ്പ് 23ന് ആരംഭിക്കും. കാശിമഠാധിപതിയായി സ്ഥാനാരോഹണം ചെയതതിന് ശേഷമുള്ള ദക്ഷിണ കേരളത്തിലെ ആദ്യ ക്യാമ്പാണിത്.
23ന് രാത്രി എട്ടോടെ ക്ഷേത്രത്തില് എത്തുന്ന സ്വാമിയെ പൂര്ണകുംഭം നല്കി സ്വീകരിക്കും. തുടര്ന്ന് സ്വാമിയുടെ പ്രഭാഷണം.
24ന് രാവിലെ പത്തിന് അപൂര്വമായ തപ്തമുദ്രാധാരണം, രാത്രി ഏഴിന് സഹസ്രദീപാലങ്കാര സേവ, 25ന് ബ്രഹ്മോത്സവവുമായി ബന്ധപ്പെട്ട വിശേഷാല് ചടങ്ങുകള്, വൈകിട്ട് ഏഴിന് പുതിയ രജത സിംഹാസത്തില് ഭഗവാന് പ്രഥമ വസന്തപൂജ,26ന് ക്ഷേത്രത്തില് സ്ഥിതിചെയ്യുന്ന മഹാഗുരു സമാധിയില് പവമാന അഭിഷേകം, വൈകിട്ട് അനുഗ്രഹ പ്രഭാഷണത്തിന് ശേഷം കായംകുളം വിഠോബ ക്ഷേത്രത്തിലേക്ക് സ്വാമി യാത്രയാകും.
