ഇരിട്ടി: പായം ചീങ്ങാക്കുണ്ടം ഇരുപതാം നമ്പര് ബൂത്തില് സിപിഎം പ്രവര്ത്തകന് കള്ളവോട്ട് ചെയ്യുന്നതിനിടെ പിടികൂടിയ സംഭവത്തില് പോലീസ് കള്ളക്കളി നടത്തുന്നതായി ബിജെപി കണ്ണൂര് ജില്ലാ സിക്രട്ടറി കൂട്ട ജയപ്രകാശ് ആരോപിച്ചു. കള്ളവോട്ട് ചെയ്യുന്നത് ജാമ്യം ലഭിക്കാത്ത കുറ്റമായിട്ടും പ്രതിയെ ജാമ്യത്തില് വിട്ടു എന്ന് പറയുന്നത് പോലീസിന്റെ കള്ളക്കളിയാണ്. എന്നാല് ഏതാനും സിപിഎം പ്രവര്ത്തകര് ചേര്ന്ന് പ്രതിയെ സ്റ്റേഷനില് നിന്നും ഇറക്കിക്കൊണ്ടുപോവുകയായിരുന്നു എന്നാണു അറിയാന് കഴിയുന്നത്. ഇത് ജനാധിപത്യ വ്യവസ്ഥയെ തന്നെ വെല്ലുവിളിക്കുന്നതും തിരഞ്ഞെടുപ്പിനെ പ്രഹസനമാക്കുന്നതുമായ നടപടിയാണെന്ന് അദ്ദേഹം പ്രസ്താവനയില് പറഞ്ഞു.
യുഡിഎഫ്
