ഞാനും ഒരു മലയാളിയാണ്. അതില് അഭിമാനിക്കുകയും ചെയ്യുന്നു. അതില് ആര്ക്കും ഒരു സംശയവും വേണ്ടാ. കഴിഞ്ഞ ദിവസങ്ങളിലായി കുറെ ആള്ക്കാര് കേരളവും ഗുജറാത്തും തമ്മില് താരതമ്യം ചെയുന്നത് കണ്ടു. ഇതുതമ്മില് ഒരിക്കലും താരതമ്യം ചെയ്യാന് പറ്റില്ല. അഥവാ ചെയ്യുകയാണെങ്കില് ചില കാര്യങ്ങളുംകൂടി പരിഗണിക്കേണ്ടതുണ്ട്. ഗുജറാത്തില് നരേന്ദ്ര മോദി മുഖ്യമന്ത്രി ആകുമ്പോള് ഗുജറാത്തിനെ നാശത്തിന്റെ പടുകുഴിയിലേക്ക് തള്ളിയിട്ട ഭൂകമ്പം നടന്നിട്ട് മാസങ്ങള് മാത്രമേ ആയിട്ടുള്ളൂ. അത്രയും തകര്ന്നുകിടന്ന ഒരു ഗുജറാത്തിനെയാണു ഇന്നു ഈ നിലയിലേക്ക് കൈ പിടിച്ചുയര്ത്തിയത്. അതേസമയം നമ്മുടെ കേരളമാണെങ്കില് ഭാഗ്യം ചെയത സംസ്ഥാനമല്ലേ? പ്രകൃതി എറ്റവും കനിഞ്ഞു അനുഗ്രഹിച്ച ഭൂപ്രകൃതിയും കാടും മലകളും സമൃദ്ധമായ പുഴകളും ഫലഭൂയിഷ്ടമായ മണ്ണും കൃഷിയിടങ്ങളും എന്നുവേണ്ട എല്ലാം എല്ലാം. ഇതൊക്കെ നാം നന്നായി വിനിയോഗിച്ചോ? ഇതൊക്കെ സംരക്ഷിക്കാന് ഇതുവരെ ഭരിച്ചവര്ക്ക് സാധിച്ചോ? ഇതില് എത്രമാത്രം കാടും മലകളും കൃഷിസ്ഥലങ്ങളും ഇന്നു ബാക്കിയുണ്ട്? എത്ര പുഴയില് ഇന്നു വെള്ളമുണ്ട്? എത്ര തണ്ണീര്തടങ്ങള് ഇന്നുണ്ട്? പലതും ഭാഗീകമായോ പൂര്ണമായോ ഇല്ലാതായി എന്നുപറയേണ്ടി വരും. എത്ര ആദിവാസികളെയും താഴെക്കിടയിളുല്ലവരെയും നമുക്കു സംരക്ഷിക്കാന് സാധിക്കുന്നുണ്ട്. ഇതിനെല്ലാം ഇതുവരെ ഭരിച്ചവര്ക്ക് ഒരു പങ്കുമില്ലെന്ന് പറയാന് പറ്റുമോ? ദൈവത്തിന്റെ സ്വന്തം നാടായതിനാല് ആയിരിക്കാം ഗുജറാത്ത് ഒന്നും അനുഭവിച്ചതുപോലെ ഒരു പ്രകൃതി ദുരന്തത്തിനും നമുക്കു ഇരയാകേണ്ടി വന്നിട്ടില്ല, ഒരു സുനാമി ഒഴിച്ച്. അതിനു ഇരയായവര്ക്കുള്ള പുനരധിവാസംപോലും കൃത്യമായി നടത്താനാവാതെ ആ ഫണ്ട് വക മാറ്റി ചിലവഴിച്ച ഭരണാധികാരികള് അയിരുന്നു നമുക്കുണ്ടായിരുന്നത്. കണ്ണടച്ചു നിഷേധിക്കാനാകുമോ ഇതൊക്കെ. ഗുജറാത്തിന്റെ ഇന്ഡക്സ് നോക്കി നമ്മെ വിലയിരുത്തുന്നവര് അവര് അനുഭവിച്ച കെടുതികളെക്കുറിച്ചും കുടി ആലോചിക്കെണ്ടേ?
ശിവദാസ് മനിയില്
