കൊച്ചി: നിയമസഭ തെരഞ്ഞെടുപ്പിനുള്ള സമ്മദിദായകര്ക്കുള്ള ഫോട്ടോ പതിച്ച വോട്ടര് സ്ലിപ്പുകളുടെ വിതരണം ജില്ലയിലെ വിവിധ നിയോജകമണ്ഡലങ്ങളില് ഇന്നലെ തുടങ്ങി. ഇതിനകം വിവിധ മണ്ഡലങ്ങളിലായി 178255 സ്ലിപ്പുകള് വിതരണം ചെയ്തുകഴിഞ്ഞു. ഈമാസം 11നകം ബിഎല്ഒമാര് വഴിയുള്ള സ്ലിപ്പ് വിതരണം പൂര്ത്തിയാക്കാനാണ് തീരുമാനം.
വിവിധ കേന്ദ്രങ്ങളില് അങ്കണവാടി പ്രവര്ത്തകരാണ് ബി.എല്.ഒ.മാരായി പ്രവര്ത്തിക്കുന്നത്. ഇവര്ക്ക് ജോലിയില് അവധി ലഭിക്കാത്തതിനാലാണ് തുടക്കദിനത്തില് കാര്യമായ പുരോഗതി ഉണ്ടാകാത്തതെന്ന് പറയുന്നു. ഇക്കാര്യത്തില് ആവശ്യമായ ഉത്തരവ് ഇന്നുണ്ടാകുമെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടര് എം.ജി.രാജമാണിക്യം അറിയിച്ചു.
