മട്ടാഞ്ചേരി: കൊച്ചി മണ്ഡലം എന്ഡിഎ ബിജെപി സ്ഥാനാര്ത്ഥി പ്രവീണ് ദാമോദര പ്രഭുവിന്റെ വാഹന പ്രചരണം ഇന്ന് തുടങ്ങും. തീരദേശ ഗ്രാമമായ ചെല്ലാനം തെക്ക് ദേശത്ത് നിന്ന് തുടങ്ങുന്ന രാഷ്ട്രീയ നയ വിശദീകരണ വാഹന പ്രചരണയാത്ര ചൊവ്വാഴ്ച വൈകീട്ട് ചെറളായിയില് നടക്കുന്ന പൊതുസമ്മേളനത്തോടെ സമാപിക്കും.
ഇരുചക്രവാഹനങ്ങള്, തെരഞ്ഞെടുപ്പ് പ്രചരണ വാഹനങ്ങള്, സ്ഥാനാര്ത്ഥി രഥം തുടങ്ങിയവ വാഹന യാത്രയിലുണ്ടാകും. ബിജെപി സംസ്ഥാന, ജില്ലാ, മണ്ഡലം ഭാരവാഹികള് ബിഡിജെഎസ് ഭാരവാഹികള്, സംഘപരിവാര് ഭാരവാഹികള് തുടങ്ങിയവര് വാഹന പ്രചരണ യാത്രയില് എന്ഡിഎ നയ വിശദീകരണങ്ങള് നടത്തും.
ചെല്ലാനം ഗ്രാമ പഞ്ചായത്തില് വിവിധ കേന്ദ്രങ്ങളില് വാഹനജാഥയ്ക്കും സ്ഥാനാര്ത്ഥിക്കും സ്വീകരണം നല്കും. നാളെ കുമ്പളങ്ങി ഗ്രാമങ്ങളിലെ വിവിധ കേന്ദ്രങ്ങളില് സ്വീകരണം നല്കും. ഞായറാഴ്ച പള്ളുരുത്തി മുണ്ടംവേലി നസ്രത്ത് രാമേശ്വരം നഗരസഭാമേഖലകളില് വാഹന പ്രചരണ ജാഥയ്ക്ക് സ്വീകരണങ്ങള് നല്കും. തോപ്പുംപടിയില് സമാപിക്കും. തിങ്കളാഴ്ച ഫോര്ട്ടുകൊച്ചിയില് നിന്ന് തുടങ്ങുന്ന വാഹന പ്രചരണ ജാഥ പൈതൃകനഗരിയിലെ സ്വീകരണങ്ങള് ഏറ്റുവാങ്ങി അമരാവതിയില് സമാപിക്കും. ചൊവ്വാഴ്ച അമരാവതിയില് നിന്ന് തുടങ്ങുന്ന വാഹന പ്രചരണ യാത്ര വൈകീട്ട് ഏഴിന് ചെറളായി ടിഡി സ്കൂളിന് മുന്നില് പൊതുസമ്മേളനത്തോടെ സമാപിക്കും.
കൊച്ചി മണ്ഡലത്തിലെ ബിജെപി സ്ഥാനാര്ത്ഥി പ്രവീണ് ദാമോദര പ്രഭു മട്ടാഞ്ചേരിയിലെ ചെറളായി ടിഡി ക്ഷേത്രത്തിന് സമീപം തെക്കെ ചെല്ലാനം പ്യാരി ജംഗ്ഷന് എന്നിവിടങ്ങളില് ഗൃഹസന്ദര്ശനം നടത്തി വൈകീട്ട് ചുള്ളിക്കല് ദേശത്ത് വ്യാപാരി വ്യവസായി സമിതിയുടെ സ്ഥാനാര്ത്ഥി സംഗമം എന്നിവയില് പങ്കെടുത്തു.
