ഒരു ജീവിക്കും നല്കാത്ത ഒരു വരം ഈശ്വരന് നമുക്ക് നല്കിയിട്ടുണ്ട്. വിവേകബുദ്ധി. ഇതു വേണ്ടവണ്ണം ഉപയോഗിക്കാതെ നമ്മള് തന്നിഷ്ടപ്രകാരം മുന്നോട്ടുപോയാല്’നഷ്ടമാകുന്നതു നമ്മുടെ ജീവിതം തന്നെയായിരിക്കും.
ഇക്കാര്യത്തില് ഒരുസംശയവുമില്ല. മക്കളുടെ ഓരോ കര്മ്മത്തിന്റേയും പിന്നിലെ ലക്ഷ്യം ഈ വിവേകബുദ്ധിയെ ഉദ്ധരിച്ചെടുക്കുക എന്നതായിരിക്കണം. വിവേകം നിറഞ്ഞ കര്മ്മത്തില്ക്കൂടി മാത്രമേ ജീവിതത്തില് ശാശ്വത വിജയം കണ്ടെത്താന് സാധിക്കൂ. ‘എനിക്ക് എന്തു നേടാം’ എന്ന് ചിന്തിക്കുന്നതിലുപരി ‘എനിക്ക് എന്തു നല്കാന് സാധിക്കും’ എന്നാണ് നാം ചിന്തിക്കേണ്ടിയിരിക്കേണ്ടത്.
നാംചെയ്തുതീര്ക്കുന്ന ഓരോ കര്മവും ആനന്ദകരമാക്കിത്തീര്ക്കേണ്ടത്, കര്മത്തില് ആനന്ദംഅനുഭവിക്കേണ്ടത് നമ്മുടെ ആവശ്യമാണ്. എങ്ങനെയാണ് അതു സാധിക്കുക? കര്മ്മത്തില് ബുദ്ധിയും ഹൃദയവും ഒന്നാവുമ്പോഴാണ് അതിന്റെ ശരിയായ ഫലം ലഭിക്കുന്നത്.
സാധാരണ കര്മ്മം ചെയ്യുന്നത് നമ്മുടെ സന്തോഷത്തിനു വേണ്ടിയാണ്. എന്നാല് അതു മറ്റുള്ളവര്ക്കു കൂടി ആനന്ദകരമായിരിക്കാന് നാം ശ്രദ്ധിക്കണം.
അതിലൂടെ നമുക്കും അന്യര്ക്കും തികഞ്ഞ സന്തോഷം പകരാന് കഴിയും. ആ ആനന്ദത്തിന്റെ വേലിയേറ്റത്താല് ലോകം മുഴവനും സന്തോഷത്തിന്റെ അലയടിക്കും. ഈശ്വരന് അറിഞ്ഞുതന്ന വിവേക ബുദ്ധി അതര്ഹിക്കുന്നവിധത്തില് രൂപപ്പെടുത്തുക.
