വര്ക്കല: വര്ക്കല മണ്ഡലത്തില് പ്രചാരണരംഗത്ത് വോട്ടര്മാരെ നേരിട്ട് കാണുന്നതില് ഏറെ മുന്നിലാണ് എന്ഡിഎ സ്ഥാനാര്ത്ഥി അജി എസ്.ആര്.എം. സ്ഥാനാര്ത്ഥി നിര്ണയം കഴിഞ്ഞതുമുതല് മണ്ഡലത്തിലുടനീളം നിറഞ്ഞ് നില്ക്കുകയാണ് അജി. എസ്എന്ഡിപി ശിവഗിരി യൂണിയന് സെക്രട്ടറിയായും സേവനരംഗത്തും പ്രവര്ത്തിക്കുന്ന അജി മണ്ഡലത്തില് ഏറെ സുപരിചിതനാണ്. മണ്ഡലത്തിലെ ഇടവ, ഇലകമണ്, ചെമ്മരുതി, വെട്ടൂര്, നാവായിക്കുളം, പള്ളിക്കല്, മടവൂര്, വര്ക്കല മുന്സിപ്പാലിറ്റി എന്നിടങ്ങ
വര്ക്കല മണ്ഡലം എന്ഡിഎ സ്ഥാനാര്ത്ഥി അജി എസ്.ആര്.എം
നാവായിക്കുളത്ത് വോട്ടര്മാരെ നേരില് കണ്ട് വോട്ട് അഭ്യാര്ത്ഥിക്കുന്നു
ളിലെ സാമുദായിക സംഘടനാ പ്രതിനിധികളെ തൊഴില് സ്ഥാപനങ്ങളില് ഒരുതവണ എത്തി വോട്ട് അഭ്യര്ത്ഥിച്ച് കഴിഞ്ഞു.
ഇന്നലെ ചെമ്മരുതി, നാവായിക്കുളം, വര്ക്കല മുനിസിപ്പാലിറ്റി എന്നിവിടങ്ങളിലെ വോട്ടര്മാരെ നേരില് കാണുന്നതിനുള്ള പ്രവര്ത്തനമായിരുന്നു. രാവിലെ 8ന് ചെമ്മരുതി പഞ്ചായത്തിലെ മഠത്തുവിളാകം ക്ഷേത്രത്തിന് സമീപത്തുനിന്ന് ആരംഭിച്ച പ്രചാരണം മന്നാനിയ അറബിക് കോളേജ് ജംഗ്ഷന്, വട്ടപ്ലാമൂട്, തച്ചോട്, ചാവടിമുക്ക്, വില്ലിക്കടവ്, ചാവര്കോട്, മുത്താന, മാവിന്മൂട് എന്നിവിടങ്ങളിലും ഉച്ചഭക്ഷണത്തിനുശേഷം നാവായിക്കുളം പഞ്ചായത്തിലെ പട്ടാളംമുക്ക്, ആശാരിമുക്ക്, ചിറ്റായിക്കോട് എന്നിവിടങ്ങളിലും വര്ക്കല മുനിസിപ്പാലിറ്റിയിലെ പെരുങ്കുളം പാപനാശം എന്നിവിടങ്ങളിലുമായിരുന്നു.
ഒരോ വീടുകളിലും കയറിയിറങ്ങി നാടിന്റെ ആവശ്യങ്ങളും വികസനങ്ങളെയും കുറിച്ചുള്ള വോട്ടര്മാരുടെ നിര്ദ്ദേശങ്ങളും അഭിപ്രായങ്ങളും കേള്ക്കുകയും ചെയ്തു. വര്ക്കല മണ്ഡലത്തില് വര്ഷങ്ങളായി ഇടതും വലതും എംഎല്എമാര് മാറിമാറി ജയിച്ചിട്ടും ജനങ്ങള്ക്ക് ഉപകാരപ്രദമായ ഒരു പദ്ധതിയും നടപ്പിലാക്കിയിട്ടില്ലെന്നും ഇതിന് ഒരുമാറ്റം അനിവാര്യമാണെന്നും ഓരോ വോട്ടര്മാരും ചൂണ്ടിക്കാട്ടുന്നു. ഇടതു വലതും മാറിമാറി ഭരിച്ചു. ദിവസവും ആയിരക്കണക്കിന് തീര്ത്ഥാടകരും വിനോദസഞ്ചാരികളും എത്തുന്ന പാപനാശത്ത് ഒരു മൂത്രപൂരപോലും സ്ഥാപിക്കാന് കഴിഞ്ഞിട്ടില്ലെന്നുമാണ് വോട്ടര്മാര് പറയുന്നത്. റോഡും വെയിറ്റിംഗ് ഷെഡും മാത്രമല്ല നാടിന് ആവശ്യം. മോദി സര്ക്കാര് ഗുജറാത്തില് നടപ്പിലാക്കിയ വികസന പ്രവര്ത്തനങ്ങള് അന്താരാഷ്ട്ര ടൂറിസ്റ്റ് കേന്ദ്രമായ വര്ക്കലയിലും നടപ്പിലാക്കണം. അതിന് അജി എസ്.ആര്.എം വിജയിക്കണം. വര്ക്കലയുടെ സമഗ്ര വികസനത്തിനായി ഇവിടെത്തെ ഓരോ വോട്ടര്മാരും എന്ഡിഎ സ്ഥാനാര്ത്ഥിയോടൊപ്പം പ്രവര്ത്തിക്കുമെന്ന് പാപനാശത്തെ വോട്ടര്മാര് ഒറ്റക്കെട്ടായ് പറഞ്ഞത് പ്രവര്ത്തകരില് ആവേശമുണര്ത്തി. ബിജെപി ജില്ലാ ഉപാദ്ധ്യക്ഷന് ഇലകമണ് സതീശന്, മണ്ഡലം ജനറല് സെക്രട്ടറി ചാവര്ക്കോട് ഹരിലാല്, വൈസ് പ്രസിഡന്റമാരായ വില്ലിക്കടവ് സുനില്, തച്ചോട് സുധീര്, ഡിജെഎസ് നേതാക്കളായ വെട്ടൂര് അനില്, സജി എസ്.ആര്.എം, പ്ലാവഴികം പ്രസാദ്, വിഎച്ച്പി പ്രഖണ്ഡ് സെക്രട്ടറി ജനാര്ദ്ദനപുരം മണികണ്ഠന്, നിഷാന്ത് തുടങ്ങി ബിജെപി, ബിഡിജെഎസ് പഞ്ചാത്ത് ഭാരവാഹികളും സ്ഥാനാര്ത്ഥിയോടൊപ്പം പര്യടനത്തിന് നേതൃത്വം നല്കി.
