കോഴിക്കോട്: കൊല്ലം പരവൂരില് നടന്ന വെടിക്കെട്ട് ദുരന്തത്തിന്റെ പശ്ചാത്തലത്തില് നഗരത്തിലെ പടക്കകടകളില് പോലീസ് റെയ്ഡ് ശക്തമാക്കി. വിഷു വിപണിയോടനുബന്ധിച്ച് രണ്ട് ദിവസം മുമ്പ് ജില്ലയിലെ മുഴുവന് കടകളിലും പോലീസ് റെയ്ഡ് ആരംഭിച്ചിരുന്നു. കഴിഞ്ഞ ദിവസം വടകരയില് നിന്നും ലൈസന്സില്ലാതെ കാറില് കടത്താന് ശ്രമിച്ച വന് വെടിമരുന്ന് ശേഖരം പോലീസ് പിടികൂടിയിരുന്നു.
പരിശോധന ശക്തമാക്കിയതിന്റെ ഭാഗമായി നഗരത്തിലെ വിവിധ പടക്കകടകളില് പോലീസ് ഇന്നലെ പരിശോധന നടത്തി. പടക്കകടയിലെ ലൈസന്സ്, സൂക്ഷിച്ചിരിക്കുന്ന മരുന്നിന്റെ അളവ്, കടയുടെ സുരക്ഷതുടങ്ങിയ കാര്യങ്ങളാണ് പോലീസ് പരിശോധിക്കുന്നത്. മിഠായി തെരുവ് തീപിടുത്തത്തിന് ശേഷം വിഷുകാലയളവില് നഗരത്തിലെ തിരക്കില് നിന്ന് മാറി പ്രത്യേക സ്ഥലത്തേക്ക് പടക്കകടകള് മാറ്റിയായിരുന്നു കച്ചവടം നടത്തിയിരുന്നത്. കഴിഞ്ഞ വര്ഷം നഗരത്തിലെ പടക്കകടകള് സ്വപ്നനഗരിയിലെ ഗ്രൗണ്ടില് ആയിരുന്നു സജ്ജീകരിച്ചിരുന്നത്. എന്നാല് ഇത്തവണ സ്വപന നഗരിയില് പ്രദര്ശനം നടക്കുന്നതിനാല് നഗര മധ്യത്തില് നിന്ന് മാറി മറ്റ് കടകളിലായാണ് പടക്കവില്പന നടക്കുന്നത്.
നികുതിയടയ്ക്കാതെ കടത്തുകയായിരുന്ന ഒരു ലോഡ് പടക്കം കഴിഞ്ഞദിവസം പയ്യോളിയില് നിന്നും പിടികൂടിയിരുന്നു. ശിവ കാശിയില് നിന്നു കാഞ്ഞ ങ്ങാട്ടേക്ക് ലോറിയില് കൊ ണ്ടുപോകുന്നതിനിടെയാണ് രഹസ്യവിവരത്തിന്റെ അടിസ്ഥാനത്തില് വാണിജ്യ നികുതി സ്ക്വാഡ് വാഹനം കസ്റ്റഡിയിലെടുത്തത്. 17 വലിയ കാര്ഡ്ബോഡ് പെട്ടിക ളാണ് ലോറിയിലു ണ്ടായിരുന്നത്. കൊയിലാണ്ടി എളാട്ടേരിയിലെ അനധികൃത പടക്കനിര്മ്മണ കേന്ദ്രത്തില് കഴിഞ്ഞ ദിവസം കൊയിലാ ണ്ടി പോലീസ് നടത്തിയ റെയ്ഡില് 10കിലോ പടക്ക നിര്മ്മാണ സാധനങ്ങള് പിടികൂടിയിരുന്നു. കഴിഞ്ഞ ദിവസം വടകരയില് നിന്നും ലൈസന്സില്ലാതെ കാറില് കടത്താന് ശ്രമിച്ച വന് വെടിമരുന്ന് ശേഖരം പോലീസ് പിടികൂടിയിരുന്നു
ബാലുശ്ശേരി ഗ്രാമപഞ്ചാ യത്ത് ഓഫീസിനടുത്ത് ആക്രി കടയില് അനധികൃത മായി സൂക്ഷിച്ച പടക്ക ശേഖ രം കഴിഞ്ഞ ദിവസം ബാലു ശ്ശേരി പോലീസ് പിടികൂടിയി രുന്നു. ചാക്കില് സൂക്ഷിച്ച 82 കിലോ പടക്കമാണ് എസ്ഐ ശ്രീനി വാസനും സംഘവും നടത്തിയ റെയ്ഡില് പിടികൂടിയത്.
