നെയ്യാറ്റിന്കര: ചരിത്രപരമായ പുതിയ വിധിയെഴുത്തിനു സമയമായെന്ന് സിനിമാതാരം സുരേഷ്ഗോപി. നെയ്യാറ്റിന്കര മണ്ഡലം കമ്മിറ്റിയുടെ തെരഞ്ഞെടുപ്പ് പ്രചാരണം ഉദ്ഘാടനം ചെയ്യുകയായിരുന്നു അദേഹം. ജാതിമത ഭേദമന്യേ പുതിയ പരീക്ഷണത്തിനു തയ്യാറാകണം. കഴിഞ്ഞ അഞ്ച് വര്ഷം ഭരണപക്ഷം അഴിമതി നടത്തി കേരളത്തിലെ പാവപ്പെട്ട ജനതയെ കബളിപ്പിക്കുമ്പോള് അതിനെതിരെ പ്രതികരിക്കാതെ അവര്ക്കൊപ്പം നില്ക്കുകയാണ് പ്രതിപക്ഷം ചെയ്തത്. ഇത്തരത്തിലുള്ളവര് തെരഞ്ഞെടുപ്പില് വിജയിച്ച് നിയമസഭയില് കയറിയാല് എന്ത് വൃത്തികേടും അഴിമതിയും ചെയ്യുന്നവരാകുമെന്നും സുരേഷ്ഗോപി പറഞ്ഞു. നെയ്യാറ്റിന്കരയിലെ ബിജെപി സ്ഥാനാര്ത്ഥി പുഞ്ചക്കരി സുരേന്ദ്രന് സുരേഷ്ഗോപി വോട്ടഭ്യര്ത്ഥിക്കുകയും ചെയ്തു.
ബിജെപി നെയ്യാറ്റിന്കര മണ്ഡലം കമ്മിറ്റിയുടെ തെരഞ്ഞെടുപ്പ് പ്രചാരണം നടന് സുരേഷ്ഗോപി ഉദ്ഘാടനം ചെയ്യുന്നു. ജില്ലാ പ്രസിഡന്റ് അഡ്വ: എസ്. സുരേഷ്, പുഞ്ചക്കരി സുരേന്ദ്രന് തുടങ്ങിയവര് സമീപം
ബിജെപി മണ്ഡലം പ്രസിഡന്റ് എന്.പി. ഹരി അദ്ധ്യക്ഷത വഹിച്ച യോഗത്തില് ജില്ലാ പ്രസിഡന്റ് അഡ്വ: എസ് സുരേഷ്, പുഞ്ചക്കരി സുരേന്ദ്രന്, കര്ഷകമോര്ച്ച സംസ്ഥാനസെക്രട്ടറി വെങ്ങനൂര് ഗോപന്, സംസ്ഥാന സമിതി അംഗം നടരാജന്, ചെങ്കല് ഋഷികേശന്, മണ്ഡലം ജനറല് സെക്രട്ടറിമാരായ അഡ്വ: പൂഴിക്കുന്ന്ശ്രീകുമാര്, മഞ്ചന്തല സുരേഷ്, അതിയനൂര് ശ്രീകുമാര്, ചൂഴാല് നിര്മ്മലന്, കൊറ്റാമം ജയകുമാര്, ശ്രീകുമാരി, ചന്ദ്രകിരണ്, രഞ്ചിത്ത്ചന്ദ്രന്, കൗണ്സിലര്മാരായ ഷിബുരാജ്കൃഷ്ണ, ഹരികുമാര്, സ്വപ്നജിത്ത്, ഉഷകുമാരി, ശശികല തുടങ്ങിയവര് സംസാരിച്ചു.
