കാലടി: അനധികൃതമായി 959 ചാക്ക് റേഷനരി സൂക്ഷിച്ച് മറ്റ് അരികളില് കലര്ത്തി വില്പനയ്ക്ക് ശ്രമിച്ചവര്ക്ക് 2 വര്ഷം തടവും പിഴയും. കാലടി ചെങ്ങലില് പ്രവര്ത്തിക്കുന്ന പൂജാ റൈസ് മില് പാര്ട്ണര്മാരായ ഒക്കല് സ്വദേശികളായ ചാത്തനക്കോട് സെലസ്റ്റിന് ജോണ്, കല്ലുക്കാടന് സെബാസ്റ്റ്യന്, കല്ലൂക്കാടന് ജോസഫ്, ശ്രീമൂലനഗരം സ്വദേശി കോലഞ്ചേരി ബേബി എന്നിവരെയാണ് കാലടി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് എം.ഡി.അനീഷ് 2 വര്ഷം തടവിനു ശിക്ഷിച്ചത്. തടവിനു പുറമേ ഓരോരുത്തരും 10,000 രൂപ വീതം പിഴ അടക്കണമെന്നും പിഴ അടക്കാത്ത പക്ഷം 3 മാസം കൂടി തടവ് അനുഭവിക്കണമെന്നുമാണ് വിധി. 2006ലാണ് കേസ്സിനാസ്പദമായ സംഭവം നടന്നത്.
