കോട്ടയം: കേരളാ കോണ്ഗ്രസ് (ജേക്കബ്) പാര്ട്ടി ചെയര്മാന് ജോണി നെല്ലൂരിനെ പാര്ട്ടിയില് നിന്നും ആരും പുറത്താക്കിയിട്ടില്ലെന്നും അദ്ദേഹം സ്വയം രാജിവച്ച് ഒഴിഞ്ഞതാണെന്നും മന്ത്രി അനൂപ് ജേക്കബ് പറഞ്ഞു. പാര്ട്ടിയില് പിളര്പ്പിന്റെ സാഹചര്യം ഇപ്പോഴില്ല. യുഡിഎഫുമായുള്ള ചര്ച്ച പുരോഗമിക്കുകയാണ്. വിജയസാധ്യതയുള്ള ഒരു സീറ്റ് കൂടി ലഭിക്കുമെന്നാണു കരുതുന്നത്. പുതിയ പാര്ട്ടിചെയര്മാനെ സംസ്ഥാന കമ്മറ്റി തീരുമാനിക്കുമെന്നും അദ്ദേഹം കോട്ടയത്ത് മാധ്യമ പ്രവര്ത്തകരോട് പറഞ്ഞു. ജോണിനെല്ലൂര് ചെയര്മാന് സ്ഥാനം രാജിവച്ചതിനെ തുടര്ന്ന് കോട്ടയത്ത് നടന്ന പ്രഥമയോഗത്തിന് ശേഷം സംസാരിക്കുകയായിരുന്നു അദ്ദേഹം. പിറവത്ത് അനൂപ് ജേക്കബ് മത്സരിക്കാനും ഇന്നലെ ചേര്ന്ന ഉന്നതാധികാര സമിതി യോഗം തീരുമാനിച്ചു. ഡെയ്സി ജേക്കബ്, വാക്കാട് രാധാകൃഷ്ണന്, സി. മോഹനന് പിള്ള, ഏഴുകോണ് സത്യന്, ഏലിയാസ് മങ്കിടി, ബിജു മറ്റപ്പള്ളി എന്നിവര് യോഗത്തില് പങ്കെടുത്തു.
ജോണി നെല്ലൂരിനെ പാര്ട്ടിയില്നിന്ന് പുറത്താക്കിയില്ലെന്ന് അനൂപ് ജേക്കബ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.