കാസര്കോട്: ഓള് കേരള ഡോക്കുമെന്റ് റൈറ്റേര്സ് ആന്റ് സ്ക്രൈബ്സ് അസോസിയേഷന് സംസ്ഥാന സമ്മേളനം 12,13,14 തീയ്യതികളില് കാഞ്ഞങ്ങാട് നടക്കും. ആകാശ് കണ്വെന്ഷന് സെന്ററില് നടക്കുന്ന സമ്മേളനം 12ന് രാവിലെ 10.30ന് വി.എസ്.അച്യുതാനന്ദന് ഉദ്ഘാടനം ചെയ്യും. സംഘടനാ സംസ്ഥാന പ്രസിഡന്റ് ഒ.എം.ദിനകരന് അധ്യത വഹിക്കും. പി.കരുണാകരന് എംപി മുഖ്യാതിഥിയാകും. പി.അബ്ദുള് റസാഖ് എംഎല്എ, കെ.കുഞ്ഞിരാമന് എംഎല്എ, സംഘടനാ സംസ്ഥാന ജനറല് സെക്രട്ടറി എസ്.കൃഷ്ണസ്വാമി പിള്ള, ബിജെപി ജില്ലാ പ്രസിഡന്റ് അഡ്വ.കെ.ശ്രീകാന്ത്, കാഞ്ഞങ്ങാട് നഗരസഭാ സ്റ്റാന്റിങ്ങ് കമ്മറ്റി ചെയര്പേഴ്സണ് ഗംഗാരാധാകൃഷ്ണന് തുടങ്ങിയവര് സംസാരിക്കും. സ്വാഗതസംഘം ചെയര്മാന് വി.മാധവന് നായര് സ്വാഗതവും, സ്വാഗതസംഘം കണ്വീനര് പി.കെ.രാജന് നന്ദിയും പറയും. ഉച്ചക്ക് 2ന് പ്രതിനിധി സമ്മേളനം, വൈകുന്നേരം 7ന് കലാസന്ധ്യ എം.ടി.അന്നൂര് ഉദ്ഘാടനം ചെയ്യും. 13ന് രാവിലെ ട്രേഡ് യൂണിയന് സമ്മേളനം നടക്കും. 14ന് രാവിലെ 9ന് വനിതാ സമ്മേളനം സംസ്ഥാന വനിതാ കമ്മീഷന് ചെയര്പേഴ്സണ് കെ.സി.റോസക്കുട്ടി ടീച്ചര് ഉദ്ഘാടനം ചെയ്യും. വൈകുന്നേരം 3.30ന് പ്രകടനം, 5ന് പൊതുസമ്മേളനം മന്ത്രി അനൂപ് ജേക്കബ് ഉദ്ഘാടനം ചെയ്യും. സംഘടനാ സംസ്ഥാന പ്രസിഡന്റ് ഒ.എം.ദിനകരന് അധ്യക്ഷത വഹിക്കും. മുന് മന്ത്രി സി.ടി.അഹമ്മദലി, ബിജെപി സംസ്ഥാന ജനറല് സെക്രട്ടറി കെ.സുരേന്ദ്രന്, പന്ന്യന് രവീന്ദ്രന് തുടങ്ങിയവര് സംസാരിക്കും.
പത്രസമ്മളനത്തില് വി.മാധവന് നായര്, സുനില്കുമാര് കൊട്ടറ, എം.കെ.അനില്കുമാര്, എം.പി.ഉണ്ണികൃഷ്ണന്, വി.ശങ്കരന് നമ്പൂതിരി, പി.ആര്.കുഞ്ഞിരാമന്, പി.പി.കുഞ്ഞികൃഷ്ണന് നായര്, വി.വി.വിനോദ് എന്നിവര് സംബന്ധിച്ചു.
