കൊട്ടാരക്കര: പോലീസ് സ്റ്റേഷന് ആക്രമിച്ചു എന്ന വാര്ത്തകള് അടിസ്ഥാനരഹിതമാണന്ന് ബിജെപി ആര്എസ്എസ് നേതാക്കള് പത്രസമ്മേളനത്തില് പറഞ്ഞു. മൂന്നുപേര് ബൈക്കില് യാത്ര ചെയ്താല് പെറ്റികേസ് എടുത്ത് വിട്ടയക്കാന് നിയമമുള്ളപ്പോള് മറ്റ് രണ്ടുപേരെ വിട്ടയച്ച് പ്രചാരകനെ മാത്രം ജീപ്പിലും സ്റ്റേഷനിലും കൊണ്ടുപോയി മര്ദ്ദിച്ചതും ജയിലിടച്ചതും കടുത്ത മനുഷ്യാവകാശലംഘനമാണ്. എസ്ഐ മനപൂര്വ്വം പ്രചാരകനെ ബൈക്കില് പിന്തുടര്ന്ന് പിടികൂടിയതും മര്ദ്ദിച്ചതും പ്രതികാരബുദ്ധിയോടെയാണ്. സംഭവത്തെ കുറിച്ച് നീതിപൂര്വ്വമായ അന്വേഷണം നടത്തി എസ്ഐക്കതിരെ നടപടി എടുക്കണം. ആര്എസ്എസും ബിജെപിയും എന്നും നിയമസംവിധാനത്തോട് അങ്ങേയറ്റം ബഹുമാനം ഉള്ളവരാണ്. കൊട്ടാരക്കരയില് നടന്നത് സംഭവിക്കാന് പാടില്ലാത്തതാണ്. പ്രചാരകനെ മര്ദ്ദിച്ചതും സംഭവം തിരക്കാന് എത്തിയ നേതാക്കള് ഉള്പ്പടെയുള്ളവരെ ലാത്തിചാര്ജ് ചെയ്തതുമാണ് പ്രശ്നം വഷളാക്കിയത്. എന്നാല് മാധ്യമങ്ങള് ആര്എസ്എസ് പോലീസ് സ്റ്റേഷന് ആക്രമിച്ചു എന്ന രീതിയില് വാര്ത്ത നല്കി ഏകപക്ഷീയമായാണ് പെരുമാറിയത്. ഇതിന് പിന്നില് ചില രാഷ്ട്രീയക്കാരുണ്ട്. സംഘപ്രചാരകനെ ലോക്കപ്പിലിട്ട് മര്ദ്ദിച്ചത് എന്തിനെന്ന് അന്വേഷിക്കാന്പോലും തയ്യാറാകാതിരുന്നത് പ്രതിഷേധാര്ഹമാണ്. പ്രശ്നക്കാരനായ എസ്ഐയെ കൊട്ടാരക്കരയില് കൊണ്ടുവന്നത് ഇതിന്റെ ഭാഗമാണന്നും നേതാക്കള് പറഞ്ഞു. ബിജെപി മേഖലാ ജനറല്സെക്രട്ടറി് എം.എസ്.ശ്യാംകുമാര്, ജില്ലാപ്രസിഡന്റ് ജി.ഗോപിനാഥ്, ജില്ലാകാര്യവാഹ് ജയപ്രകാശ്, സഹകാര്യവാഹക് അനില്കുമാര് എന്നിവര് വാര്ത്താസമ്മേളനത്തില് പങ്കെടുത്തു.
ആര്എസ്എസ് ആക്രമണം എന്നത് വ്യാജപ്രചരണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.