കല്പ്പറ്റ: ജില്ലാശുചിത്വമിഷ െന്റ ‘വരുംതലമുറയ്ക്കായ്ശീലിക്കൂ’ എന്ന ശുചിത്വസന്ദേശ പദ്ധതിയുടെ അഞ്ചാംഘട്ടത്തോടനുബന്ധിച്ച് ഫെബ്രുവരി 20 ന് 9.30മുതല് നാലുവരെ കല്പ്പറ്റ എസ്കെഎംജെ ഹൈസ്കൂള് ജൂബിലിഹാളില് ജില്ലാതലശുചിത്വമേളയുംശില്പശാലയുംനടത്തും. ജില്ലാപഞ്ചായത്ത്പ്രസിഡന്റ് ടി.ഉഷാകുമാരിയുടെ അധ്യക്ഷതയില് എം. വി.ശ്രേയാംസ്കുമാര് എംഎല്എ ഉദ്ഘാടനംചെയ്യും. ജില്ലാകലക്ടര് കേശവേന്ദ്രകുമാര് മുഖ്യപ്രഭാഷണം നടത്തും.
മാലിന്യത്തിന്റെ അളവ് ക്രമാതീതമായി വര്ധിച്ച് പ്രകൃതിയുടെ താളം തെറ്റുന്ന സാഹചര്യത്തില് പരിഹാര പ്രവര്ത്തനങ്ങള് ആരംഭിക്കുകയും നടപ്പിലാക്കുകയും ചെയ്യേണ്ടത് വിദ്യാര്ത്ഥികളില് നിന്നാവണം എന്ന ജില്ലാ ഭരണകൂടത്തിന്റെ അഭിപ്രായത്തെ തുടര്ന്നാണ് സ്വച്ഛ് ഭാരത് മിഷന്റെ നേതൃത്വത്തില് ‘വരും തലമുറയ്ക്കായ് ശീലിക്കൂ’ പദ്ധതിക്ക് ജില്ലാ ശുചിത്വമിഷന് തുടക്കം കുറിച്ചത്. വിവിധതലങ്ങളിലായി നടപ്പിലാക്കുന്ന പദ്ധതിയില് തെരഞ്ഞെടുത്ത സ്കൂളുകളിലെ എന്എസ്എസ് യൂണിറ്റ്, സ്കൗട്സ്& ഗൈഡ്സ്, സ്റ്റുഡന്റ് പോലീസ് കേഡറ്റുകള്, എസ്എസ്എ, ബഡ്സ്സ്കൂള് തുടങ്ങിയ യൂണിറ്റുകളുടെ സഹായത്തോടെ വിവിധ പ്രവര്ത്തനങ്ങള് സ്കൂള് പരിസരപ്രദേശങ്ങളില് നടപ്പിലാക്കുകയും ഇവ ഏകോപിപ്പിച്ച് ജില്ലാതലത്തില് ശുചിത്വ സന്ദേശമേള സംഘടിപ്പിച്ച് മുഴുവന് ജനങ്ങളിലേക്കും സന്ദേശം എത്തിക്കുകയും പ്രവര്ത്തനങ്ങള് വ്യാപിപ്പിക്കുകയുംചെയ്യുക എന്നതാണ് പദ്ധതിയുടെ ലക്ഷ്യം.
വിദ്യാര്ത്ഥികള് നടത്തിയ പ്രവര്ത്തനങ്ങളും ചര്ച്ചകളും പ്രോത്സാഹിപ്പിക്കുന്നതിന് സാഹിത്യ പരിസ്ഥിതി-രാഷ്ട്രീയ -മാധ്യമ പ്രവര്ത്തകരെ ശില്പശാലയില് പങ്കെടുപ്പിക്കും. ഇവയിലെ മികച്ച അവതരണങ്ങളും പ്രൊജക്റ്റുകളും ജില്ലാടിസ്ഥാനത്തില് മോഡല് പദ്ധതികളായി പരിഗണിക്കുകയും മുഴുവന് ഡോക്യുമെന്റേഷനുകളും സംസ്ഥാന തലത്തില് അവതരിപ്പിക്കുകയും ചെയ്യും. രജിസ്ട്രേഷന് രാവിലെ ഒമ്പതിന് ആരംഭിക്കും.
ഓരോ സ്കൂളില്നിന്നും രണ്ട് വീതം വിദ്യാര്ത്ഥികള്ക്കും ഒരു അധ്യാപകനും പങ്കെടുക്കാം. പങ്കെടുക്കുന്ന അധ്യാപകന്റേയും വിദ്യാര്ത്ഥികളുടേയും പേര്, ഫോണ് എന്നിവ tscwayanad @yahoo.co.in എന്ന ഇമെയില് വിലാസത്തിലോ 04936 203223 നമ്പര് ഫോണിലോ രജിസ്റ്റര് ചെയ്യണമെന്ന് ശുചിത്വമിഷന് ജില്ലാ കോഡിനേറ്റര് അറിയിച്ചു.
