കണ്ണൂര്‍: സംസ്ഥാന ശുചിത്വമിഷന്‍ ദൂരദര്‍ശന്‍ ചാനലിന്റെ സഹകരണത്തോടെ മാലിന്യ സംസ്‌കരണത്തിനായി ജനങ്ങള്‍ക്ക് അവബോധവും സാംസ്‌കാരിക മാറ്റവും ലക്ഷ്യമിട്ട് ‘തിങ്ക് ക്ലീന്‍’ എന്ന റിയാലിറ്റി ഷോ സംഘടിപ്പിക്കുന്നു. സാധാരണക്കാരില്‍ ആകാംക്ഷയും അവബോധം ജനിപ്പിക്കുന്നതുമായ ഷോര്‍ട്ട് ഫിലിമുകള്‍ എല്ലാ വിഭാഗം ആള്‍ക്കാര്‍ക്കും സമര്‍പ്പിക്കാവുന്നതാണ്. സ്‌കൂള്‍, കോളേജ് തല വിദ്യാര്‍ത്ഥികള്‍, മീഡിയ സ്‌കൂളുകള്‍, പ്രൊഫഷണല്‍ കോളേജ് വിദ്യാര്‍ത്ഥികള്‍, റസിഡന്റ് അസോസിയേഷനുകള്‍, സര്‍ക്കാര്‍, സര്‍ക്കാരേതര വകുപ്പുകള്‍, സന്നദ്ധ സംഘടനകള്‍ പ്രൊഫഷണല്‍ ഫിലിം മേക്കേഴ്‌സ്, പ്രകൃതി സ്‌നേഹികള്‍ തുടങ്ങിയവയ്‌ക്ക് പ്രസ്തുത പരിപാടിയിലേക്ക് എന്‍ട്രികള്‍ നല്‍കാവുന്നതാണ്. പരിസര മലിനീകരണത്തിനെതിരെ പുതുതലമുറയ്‌ക്ക് ആവേശം പകരുന്ന 5 മിനിറ്റ് ദൈര്‍ഘ്യമുള്ളതും ശുചിത്വം, മാലിന്യ പരിപാലനം എന്നീ വിഷയങ്ങളില്‍ 2 മിനിറ്റ് ദൈര്‍ഘ്യമുള്ളതുമായ മാലിന്യ നിര്‍മ്മാര്‍ജ്ജനത്തിന്റെ ആവശ്യകതയെക്കുറിച്ചും വിപരീത സാഹചര്യത്തില്‍ സൃഷ്ടിക്കപ്പെടുന്ന പാരിസ്ഥിതിക പ്രശ്‌നങ്ങളെക്കുറിച്ചും 20-30 സെക്കന്റ് ദൈര്‍ഘ്യമുള്ളതുമായ എംപിഇജു4 ഫോര്‍മാറ്റില്‍ തയ്യാറാക്കിയ ഹ്രസ്വ ചിത്രങ്ങളാണ് മത്സരത്തിനായി അയക്കേണ്ടത്. എന്‍ട്രികള്‍ 8വരെ സ്വീകരിക്കുന്നതാണ്. ഡയറക്ടര്‍, ദൂരദര്‍ശന്‍ കേന്ദ്ര, കടപ്പനക്കുന്ന് പി.ഒ., തിരുവനന്തപുരം-695043 എന്ന വിലാസത്തില്‍ എന്‍ട്രികള്‍ അയക്കേണ്ടതാണ്. കൂടുതല്‍ വിവരങ്ങള്‍ക്ക് 04712730143, 2700078 എന്ന നമ്പറില്‍ ബന്ധപ്പെടേണ്ടതാണെന്ന് ശുചിത്വ മിഷന്‍ ജല്ലാ കോഡിനേറ്റര്‍ അറിയിച്ചു.
ഹ്രസ്വചലചിത്ര റിയാലിറ്റി ഷോ: എന്‍ട്രികള്‍ ക്ഷണിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.