കണ്ണൂര്: സംസ്ഥാനത്തെ മികച്ച മാധ്യമ പ്രവര്ത്തകര്ക്ക് ലയണ്സ് ക്ലബ്ബ് ഇന്റര്നാഷണല് 318 ഇ ഏര്പ്പെടുത്തിയ മാധ്യമ ശ്രേഷ്ഠാ പുരസ്ക്കാരങ്ങള്ക്ക് മനോരമ ന്യൂസിലെ ജയമോഹന് നായര്, മാതൃഭൂമി പത്രത്തിലെ സ്റ്റാഫ് റിപ്പോര്ട്ടര് ശ്രീകാന്ത് കോട്ടക്കല് എന്നിവര് അര്ഹരായി. 1001 രൂപയും ഫലകവും അടങ്ങുന്ന പുരസ്കാരം 7 ന് കണ്ണൂര് മലബാര് റസിഡന്സി ഹോട്ടലില് നടക്കുന്ന പബ്ലിക്ക് റിലേഷന്സ് സെമിനാറിലും അവാര്ഡ് ദാന ചടങ്ങിലും ലയണ്സ് ക്ലബ് ഡിസ്ട്രിക്ട് ഗവര്ണര് കെ.സുജിത്ത് വിതരണം ചെയ്യുമെന്ന് ഭാരവാഹികള് പത്രസമ്മേളനത്തില് അറിയിച്ചു. ചടങ്ങില് പഠനത്തില് ഉന്നത നിലവാരം പുലര്ത്തുന്ന നിര്ദ്ധനരായ അഞ്ച് പ്രൊഫഷണല് വിദ്യാര്ഥികള്ക്ക് ഇരുപതിനായിരം രൂപ വീതമുള്ള ലയണ്സ് സ്കോളര്ഷിപ്പും നല്കും. 7 ന് നടക്കുന്ന പിആര് സെമിനാറില് മനോരമ അസിസ്റ്റന്റ് എഡിറ്റര് കെ.എഫ്.ജോര്ജ് മുഖ്യപ്രഭാഷകനാകും. പത്രസമ്മേളനത്തില് കെ.സുജിത്ത്, രാജേഷ് വൈഭവ്, കെ.ഗോപി, ടൈറ്റസ് തോമസ്, ഡിസിഎം വിനോദ് കുമാര് എന്നിവര്പങ്കെടുത്തു.
മാധ്യമ ശ്രേഷ്ഠാ പുരസ്ക്കാരങ്ങള് പ്രഖ്യാപിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.