നേമം നിയോജകമണ്ഡലത്തിലെ അക്ഷയശ്രീ സംഘങ്ങളിലെ പ്രവര്ത്തകര്ക്കുള്ള ശില്പശാലയുടെ ഉദ്ഘാടനം സഹകാര്ഭാരതി സംസ്ഥാന വൈസ്പ്രസിഡന്റ് പി.സുധാകരന് നിര്വ്വഹിക്കുന്നു
തിരുവനന്തപുരം : സാമ്പത്തിക സ്വയം പര്യാപ്തത മാത്രമല്ല സാമൂഹിക ബോധവത്ക്കരണവും അക്ഷയശ്രീലൂടെ നടപ്പിലാക്കണമെന്ന് സഹകാര്ഭാരതി സംസ്ഥാന വൈസ്പ്രസിഡന്റ് പി.സുധാകരന് പറഞ്ഞു.
നേമം നിയോജകമണ്ഡലത്തിലെ അക്ഷയശ്രീ സംഘങ്ങളിലെ പ്രവര്ത്തകര്ക്കായി നടത്തിയ ശില്പശാല ഉദ്ഘാടനം ചെയ്യുകയായിരുന്നു അദ്ദേഹം.
പുതിയൊരു സംസ്ക്കാരം സമൂഹത്തിന് അത്യാവശ്യമായി വന്നിരിക്കുന്നു. സമൂഹത്തില് വളര്ന്നുവരുന്ന സാംസ്ക്കാരിക തകര്ച്ചയ്ക്കെതിരെയുള്ള പ്രവര്ത്തനം അക്ഷയശ്രീയിലൂടെയും നടപ്പിലാക്കണം. പൈത്യകമായി നമുക്ക് ലഭിച്ച സംസ്ക്കാരമെല്ലാം നവമാധ്യമങ്ങള് തകര്ക്കുകയാണ്. പരസ്പരബന്ധങ്ങളും, കുടുംബ ബന്ധങ്ങളും ടിവി സീരിയലുകളില് മാത്രമായി മാറി. അതില് പലതും കുടംബങ്ങള് തമ്മില് കലഹം ഉണ്ടാക്കുന്നതിനു വേണ്ടി മാത്രം. അക്ഷയശ്രീയുടെ പ്രവര്ത്തനം ഇതിനെതിരെയാകണം. ഒരോ സംഘവും സാമ്പത്തിക അച്ചടക്കത്തിലൂടെ സമൂഹത്തിന്റെ ബാങ്കുകളായി പ്രവര്ത്തിക്കണമെന്നും പി.സുധാകരന് പറഞ്ഞു. സഹകാര്ഭാരതി ദേശിയ സമിതി അംഗം ബി.എസ്.ജയ, സംസ്ഥാന സെക്രട്ടറി ശ്രീകണ്ഠന്, ജില്ലാ സെക്രട്ടറി അജിബുധന്നൂര്, താലൂക്ക് സംഘടനാ സെക്രട്ടറി പ്രസന്നകുമാര്, ജോയിന്റ് സെക്രട്ടറി അനീഷ്,വിജയന്, രമേശ് തുടങ്ങിയവര് സംസാരിച്ചു.
,
