ഇടവെട്ടി: മാലിന്യ വിമുക്തമാക്കിയ ഇടവെട്ടി വനത്തിനുള്ളില് മാലിന്യം നിക്ഷേപിച്ച മൂന്നുപേര് അറസ്റ്റില്. ഇടവെട്ടി സ്വദേശി ചൊക്കത്തിന് പറമ്പില് ഷെരീഫ്, പൊന്നന്താനം സ്വദേശി പടുക്കാച്ചിയില് ബിനോയി, ഇടവെട്ടി സ്വദേശി പുത്തൂരാന് വീട്ടില് ഷാജി എന്നിവര്ക്കെതിരെയാണ് കേസെടുത്തിരിക്കുന്നത്. കോളേജ് ഓഫ് അപ്ലൈഡ് സയന്സ് തൊടുപുഴ എന്എസ്എസ് യൂണിറ്റ് ഇടവെട്ടിച്ചിറ വാര്ഡില് നടത്തിയ സപ്തദിന ക്യാമ്പിനോടനുബന്ധിച് നാട്ടുകാരുടെയും വിവിധ സന്നദ്ധ സംഘടനകളുടെയും നേതൃത്വത്തില് മാലിന്യകൂമ്പാരമായിരുന്ന ഇടവെട്ടി വനം ശുചീകരിച്ചിരുന്നു. ടണ്കണക്കിന് മാലിന്യങ്ങള് വനത്തിനുള്ളില് നിന്നും പുറത്തെടുത്ത് ഇവര് നശിപ്പിച്ചിരിന്നു. മാലിന്യവിമുക്തമായ വനം സംരക്ഷിക്കുന്നതിന് പഞ്ചായത്ത് മെമ്പര് ടിഎം മുജീബിന്റെ നേതൃത്വത്തില് നാട്ടുകാര് ജനകീയ സമിതി രൂപീകരിച്ച് നിരീക്ഷണ സംവിധാനം ഏര്പ്പെടുത്തിയിരുന്നു. ഇവരുടെ നേതൃത്വത്തിലാണ് വനത്തിനുള്ളില് മാലിന്യം നിക്ഷേപിച്ചവരെ കണ്ടെത്തി ഫോറസ്റ്റ് ഉദ്യോഗസ്ഥരുടെയും പഞ്ചായത്ത് അധികൃതരുടെയും സാന്നിദ്ധ്യത്തില് പോലീസിന് കൈമാറിയത്. വനത്തിനുള്ളില് അധിക്രമിച്ച് കറിയതിനും, മാലിന്യം നിക്ഷേപിച്ചതിനും, വനംവകുപ്പും ഇവര്ക്കെതിരെ കേസെടുത്തിട്ടുണ്ട്.പോലീസിന്റെയും ഫോറസ്റ്റ് അധികൃതരുടെയും സാന്നിദ്ധ്യത്തില് നിക്ഷേപിച്ച മാലിന്യം പ്രതികള് തന്നെ വനത്തിനുള്ളില് നിന്നും നീക്കം ചെയ്തു.
വനത്തില് മാലിന്യം നിക്ഷേപിച്ച മൂന്ന് പേര് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.