കണ്ണൂര്: സുകുമാര് അഴീക്കോട് അനുസ്മരണത്തിന്റെ ഭാഗമായി ഗ്രന്ഥശാലാ സംഘം നേതൃത്വത്തില് ഗുരുവിന്റെ ദുംഖം എന്ന വിഷയത്തില് നൂറ് കേന്ദ്രങ്ങളില് പ്രഭാഷണ പരമ്പര സംഘടിപ്പിക്കും. ജനുവരി 15 മുതല് 30 വരെയുള്ള ദിവസങ്ങളില് ജില്ലയിലെ വായനശാലകളിലാണ് പരിപാടി.
ലൈബ്രറി സെക്രട്ടറിമാര്ക്കുള്ള പരിശീലന പരിപാടി ജനുവരി ഒന്നു മുതല് തുടങ്ങും. കണ്ണൂര്, തലശേരി, മട്ടന്നൂര്, ശ്രീകണ്ടാപുരം, പയ്യന്നൂര്, തളിപറമ്പ് എന്നിവിടങ്ങളിലാണ് പരിശീലനം. ഉച്ചകഴിഞ്ഞ് 2.30 മുതല് വൈകീട്ട് ഏഴ് വരെയാണ് പരിശീലനം. ലൈബ്രറിയന്മാരുടെ പരിശീലനത്തില് പങ്കെടുക്കാന് ബാക്കിയുള്ളവര്ക്ക് വേണ്ടിയുള്ള പരിശീലനം 29ന് ജില്ലാ ലൈബ്രറി ഹാളില് നടക്കും. ലൈബ്രറി കൗണ്സില് ജില്ലാ കമ്മിറ്റി യോഗത്തില് പ്രസിഡന്റ് കവിയൂര് രാജഗോപാലന് അധ്യക്ഷനായി. ജില്ലയിലെ പ്രവര്ത്തനങ്ങള് സെക്രട്ടറി പി കെ ബൈജുവും താലുക്കിലെ പ്രവര്ത്തനങ്ങള് എം ബാലന്, സി സോമന്, യു ജനാര്ദ്ദനന്, പി ജനാര്ദ്ദനന് എന്നിവരും റിപ്പോര്ട്ട് ചെയ്തു. സി എച്ച് ബാലകൃഷ്ണന്, സുധാ അഴീക്കോടന്, കെ പത്മനാഭന്, മാത്യു പുതുപറമ്പില്, കെ കമല, ഇ ചന്ദ്രന് എന്നിവര് സംസാരിച്ചു.
