കോഴിക്കോട്: സ്പെഷ്യല് പഞ്ചസാര വിതരണത്തിലെ സര്ക്കാര് വിവേചനത്തിനെതിരെ പ്രതിഷേധം ശക്തമാകുന്നു. ക്രിസ്തുമസ് സ്പെഷ്യല് പഞ്ചസാര ബിപിഎല്, എഎവൈ കാര്ഡുടമകള്ക്ക് മാത്രമായി ചുരുക്കിയതാണ് പ്രതിഷേധത്തിനിടയാക്കിയത്. പഞ്ചസാര ആവശ്യത്തിന് സ്റ്റോക്കു ള്ളപ്പോഴാണ് സര്ക്കാറിന്റെ ഈ വിവേചനം. ഉത്സവകാലങ്ങളില് സ്പെഷ്യല്പഞ്ചസാര സംസ്ഥാനത്തെ എല്ലാ കാര്ഡുടമകള്ക്കും നല്കാറുണ്ടായിരുന്നു. ബിപിഎല്, എഎവൈ കാര്ഡുടമകള്ക്ക് മാസത്തില് പഞ്ചസാര ലഭിച്ചുകൊണ്ടിരിക്കെയാണ് സ്പെഷ്യല് പഞ്ചസാരയും അവര്ക്ക് അനുവദിച്ചത്. വിവേചനം ഒഴിവാക്കി സ്പെഷ്യല് പഞ്ചസാര മുഴുവന് കാര്ഡുടമകള്ക്കും അനുവദിക്കാന് നടപടി സ്വീകരിക്കണമെന്ന് ആള് കേരള റീട്ടെയില് റേഷന് ഡീലേഴ്സ് അസോസിയേഷന് ജില്ലാകമ്മിറ്റി യോഗം പ്രമേയത്തിലൂടെ ആവശ്യപ്പെട്ടു. കോഴിക്കോട് വെസ്റ്റ്ഹില് ഗോഡൗണിലെ തൊഴില്പ്രശ്നം എത്രയും പെട്ടെന്ന് പരിഹരിക്കണമെന്ന് യോഗം ആവശ്യപ്പെട്ടു.
യോഗത്തില് കെ. ശിവരാമന് അധ്യക്ഷത വഹിച്ചു. ടി.മുഹമ്മദലി, പി.പവിത്രന്, കെ.പി.അഷ്റഫ്, ഇ.പി. ബാലകൃഷ്ണന്, പുതുക്കോട് രവി, വി.കെ. മുകുന്ദന് തുടങ്ങിയവര് സംസാരിച്ചു.
