ഇടവെട്ടി: ഇടവെട്ടി സരസ്വതി ശിശുമന്ദിരം യുപി സ്കൂളില് നടക്കുന്ന എന്എസ്എസ് ക്യാമ്പിന്റെ ഭാഗമായി ഇന്നലെ വരെ വനത്തില് നിന്ന് ശേഖരിച്ചത് ടണ്കണക്കിന് ഖരദ്രവ്യമാലിന്യങ്ങള്. കോളേജ് ഓഫ് അപ്ലൈഡ് സയന്സിലെ എന്എസ്എസ് യൂണിറ്റ് അംഗങ്ങളാണ് ഇടവെട്ടി വനം മാലിന്യവിമുക്തമാക്കുവാന് ലക്ഷ്യമിട്ടുകൊണ്ട് നാട്ടുകാരുടെ പങ്കാളിത്തതോടെ മുന്നിട്ടിറിങ്ങിയിരിക്കുന്നത്. ഇടവെട്ടിച്ചിറ വാര്ഡിലെ കുടുംബശ്രീ പ്രവര്ത്തകര്, തൊഴിലുറപ്പ് തൊഴിലാളികള്, ജനമൈത്രി പോലീസ്, സ്റ്റുഡന്റ്സ് പോലീസ്, ആര്ട്ട്ഓഫ് ലിവിംഗ് പ്രവര്ത്തകര്, പെന്ഷനേഴ്സ് യൂണിയന് പ്രവര്ത്തകര് തുടങ്ങിയവരുടെ സഹാത്തോടെയാണ് വനഭൂമി മാലിന്യവിമുക്താമക്കുന്നത്. ഇന്നലെ ഉച്ചവരെ നാന്നൂറും, ഉച്ചക്ക് ശേഷം ഇരുന്നൂറും പ്രവര്ത്തകരാണ് മാലിന്യം നീക്കുന്നതിനായി സഹകരിച്ചത്. ഇവര് ശേഖരിച്ച മാലിന്യം റോഡരികില് കൂട്ടിയിരിക്കുകായാണ്. രണ്ടു ദിവസത്തിനുള്ളില് ഇവ തരം തിരിച്ച് സംസ്കരിക്കുമെന്നാണ് അധികൃതര് അറിയിക്കുന്നത്. ക്യാമ്പിന് ശേഷമുള്ള ദിവസങ്ങളില് ഇവിടെ മാലിന്യം നിക്ഷേപിക്കുന്നവെര കണ്ടെത്തുന്നതിനായി കാവല് ഏര്പ്പെടുത്തുന്നുണ്ടെന്ന് വാര്ഡ് മെമ്പര് റ്റി എം മുജീബ് ജന്മഭൂമിയോട് പറഞ്ഞു. വനഭൂമി മാലിന്യവിമുക്തമാക്കുന്ന പരിപാടിയില് വന് ജനപങ്കാളിത്തമാണ് അനുഭവപ്പെടുന്നത്.
ഇടവെട്ടി വനം മാലിന്യവിമുക്തമാക്കല്; ശേഖരിച്ചത് ടണ്കണക്കിന് മലിന്യം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.