കണ്ണൂര്: ജില്ലയില് ടൂറിസം പ്രമോഷന് കൗണ്സിലിന്റെ നേതൃത്വത്തില് പൂര്ത്തീകരിച്ച നാല് പ്രവൃത്തികളുടെ ഉദ്ഘാടനം ഇന്ന് ടൂറിസം വകുപ്പ് മന്ത്രി എ.പി.അനില്കുമാര് നിര്വഹിക്കും. പുതിയ രണ്ട് പദ്ധതികളുടെ പ്രവൃത്തി ഉദ്ഘാടനവും മന്ത്രി നിര്വഹിക്കും.
പുതുതായി ആരംഭിക്കുന്ന ഇരിട്ടി-കൂര്ഗ് വാലി റിവര്വ്യൂ പാര്ക്കിന്റെ പ്രവൃത്തി ഉദ്ഘാടനം താന്തോട് പാലത്തിന് സമീപം-രാവിലെ 9 മണി, മട്ടന്നൂര് ടൗണ് സ്ക്വയര് സൗന്ദര്യവല്ക്കരണത്തിന്റെ പ്രവൃത്തി ഉദ്ഘാടനം-10 മണി, പയ്യാമ്പലം പാര്ക്കില് നിര്മിച്ച പുതിയ പ്രവേശന കവാടത്തിന്റെ ഉദ്ഘാടനം-11.30, അഴീക്കോട് മീന്കുന്ന് ചാല്ബീച്ച് പാര്ക്കിന്റെ ഉദ്ഘാടനം-3 മണി, പാപ്പിനിശ്ശേരി ഗ്രാമപഞ്ചായത്തിലെ കീച്ചേരി കൈരളി വീവേഴ്സ് കോ-ഓപ്പറേറ്റീവ് സൊസൈറ്റിയുടെ ഹാന്റ്ലൂം ഷോറൂമിന്റെ പ്രവൃത്തി ഉദ്ഘാടനം-3.30, മാടായി ഗ്രാമപഞ്ചായത്തിലെ പുതിയങ്ങാടി ചൂട്ടാട് ബീച്ച് ടൂറിസം പദ്ധതി ഉദ്ഘാടനം വൈകിട്ട് 4 മണി, ചെറുതാഴം ഗ്രാമപഞ്ചായത്തിലെ ചെമ്പല്ലിക്കുണ്ട് ടൂറിസം പാര്ക്ക് ഉദ്ഘാടനം-4.30 എന്നിവയാണ് പരിപാടികള്.
ജില്ലയിലെ വിനോദ സഞ്ചാരകേന്ദ്രങ്ങളെക്കുറിച്ച് വിദേശരാജ്യങ്ങളിലടക്കം കൂടുതല് പ്രചാരണം നടത്തുന്നതിന്റെ ഭാഗമായി തയ്യാറാക്കിയ പരസ്യചിത്രത്തിന്റെ പ്രകാശനം ഉച്ചക്ക് 2 മണിക്ക് ഗവ.ഗസ്റ്റ് ഹൗസില് മന്ത്രി നിര്വഹിക്കും. എംപിമാരായ പി.കെ.ശ്രീമതി, പി.കരുണാകരന്, എംഎല്എമാരായ അഡ്വ.സണ്ണി ജോസഫ്, ഇ.പി.ജയരാജന്, എ.പി.അബ്ദുളളക്കുട്ടി, കെ.എം.ഷാജി, ടി.വി.രാജേഷ്, ജില്ലാ കലക്ടര് പി.ബാലകിരണ്, മറ്റ് ജനപ്രതിനിധികള് തുടങ്ങിയവര് പരിപാടികളില് പങ്കെടുക്കും.
