പാനൂര്: കുന്നോത്ത്പറമ്പ് പഞ്ചായത്തിലെ അനധികൃത കരിങ്കല് ക്വാറികള്ക്കെതിരെ സമരമുഖം തുറന്ന് ജനകീയ സമിതി. രാഷ്ട്രീയ പാര്ട്ടികളുടെ അനുഗ്രഹാശിസുകളോടെ പ്രവര്ത്തിക്കുന്ന ചെണ്ടയാട് പാടാന്റെതാഴെ, ചെറുപറമ്പ് ചിറ്റിക്കര എന്നിവിടങ്ങളിലെ കരിങ്കല് ക്വാറികള്ക്കെതിരെയാണ് ജനകീയസമിതി പോരാട്ടത്തിന് ഇറങ്ങിയിട്ടുളളത്. 18ന് പഞ്ചായത്ത് ഓഫീസിലേക്ക് മാര്ച്ച് നടത്തും. ഇന്നലെ സ്ഥലം സന്ദര്ശിച്ച നേതാക്കള് നാട്ടുകാരുടെ നേതൃത്വത്തില് ആക്ഷന് കമ്മറ്റി രൂപീകരിച്ചു.വരും ദിവസങ്ങളില് ക്വാറികള്ക്കെതിരെ ശക്തമായ സമരം നടത്താന് യോഗത്തില് ധാരണയായി. സ്ത്രീകളടക്കം നിരവധിപേര് ആക്ഷന് കമ്മറ്റിയോഗത്തില് പങ്കെടുത്തു. പരിസ്ഥിതിക്കു ഏറെ ദോഷകരമായി പ്രവര്ത്തിക്കുന്ന ഈ ക്വാറികള് യാതൊരുവിധ സുരക്ഷമാനദണ്ഡങ്ങളും പാലിക്കാതെയാണ് പ്രവര്ത്തിക്കുന്നതെന്ന് നാട്ടുകാര് പറയുന്നു. രാഷ്ട്രീയ സ്വാധീനമുപയോഗിച്ച് അനുമതി നേടിയാണ് ക്വാറികള് പ്രവര്ത്തിക്കുന്നത്. ജനകീയ സമിതി പ്രസിഡണ്ട് കെവി.മനോഹരന്, സെക്രട്ടറി ഇ.മനീഷ്, കെകെ.ചാത്തുക്കുട്ടി, എംപി.പ്രകാശന്, സത്യന് കണ്ടോത്ത് തുടങ്ങിയവര് ക്വാറി സന്ദര്ശിക്കുകയും ആക്ഷന് കമ്മറ്റി യോഗത്തില് പങ്കെടുക്കുകയും ചെയ്തു.
അനധികൃത കരിങ്കല് ക്വാറികള്ക്കെതിരെ സമരമുഖം തുറന്ന് ജനകീയ സമിതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.