കണ്ണൂര്: പോലീസ് ഡിപ്പാര്ട്ട്മെന്റില് ഉദ്യോഗസ്ഥരുടെ കലാപരിപാടികള് കാര്യമായി നടക്കുന്നില്ലെന്ന് കണ്ണൂര് റേഞ്ച് ഡിഐജി ദിനേന്ദ്രകശ്യപ് അഭിപ്രായപ്പെട്ടു. കണ്ണൂര് എആര് ക്യാമ്പിലെ പോലീസ് ഓഡിറ്റോറിയത്തില് നടന്ന ജില്ലാ പോലീസ് കലാമേള ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജോലിസംബന്ധമായി കൂടുതല് ടെന്ഷന് അനുഭവിക്കുന്ന ഒരു വിഭാഗമാണ് പോലീസ്. ഇവര്ക്ക് കാര്യമായ ആഘോഷപരിപാടികള് നടക്കുന്നില്ല. ഗൂഗിളില് പോലീസിന്റെ ആഘോഷപരിപാടികള് സംബന്ധിച്ച് തിരച്ചില് നടത്തിയാല് ഒന്നുംതന്നെ കാണാന് സാധിക്കില്ല. പോലീസിന് എന്റര്ടെയിന്മെന്റ് ക്ലബ്ബുകള് ഇല്ലെന്നും അദ്ദേഹം അഭിപ്രായപ്പെട്ടു. ചടങ്ങില് ജില്ലാ പോലീസ് മേധാവി പി.എന്.ഉണ്ണിരാജന് അദ്ധ്യക്ഷത വഹിച്ചു. ജില്ലയില് ആദ്യമായാണ് ഇത്തരമൊരു കലാമേള സംഘടിപ്പിക്കുന്നതെന്നും അതിന് നിമിത്തമാകാന് കഴിഞ്ഞതില് സന്തോഷമുണ്ടെന്നും എസ്പി അഭിപ്രായപ്പെട്ടു. കണ്ൂര് അഡ്മിനിസ്ട്രേഷന് ഡിവൈഎസ്പി ടി.പി.രഞ്ജിത്ത് സ്വാഗതം പറഞ്ഞു. ഡിവൈഎസ്പിമാരായ ടി.കെ.സാബു, കെ.സുരേന്ദ്രന്, കെ.കെ.മൊയ്തീന്കുട്ടി, വിശ്വനാഥന്, മധുസൂദനന്, പ്രദീപന് തുടങ്ങിയവര് പ്രസംഗിച്ചു. പോലീസ് മിനിസ്റ്റീരില് സ്റ്റാഫ് റിക്രിയേഷന് ക്ലബ്ബ് ഭാരവാഹി ദിനേശന് വെങ്ങര നന്ദിപറഞ്ഞു. തുടര്ന്ന് ജില്ലിലെ പോലീസ് ഉദ്യോഗസ്ഥരുടെയും മിനിസ്റ്റീരിയല് സ്റ്റാഫിന്റെയും ഇവരുടെ കുട്ടികളുടെയും വിവിധ കലാമത്സരങ്ങളും നടന്നു. വൈകുന്നേരം ആറുമണിക്കുശേഷം പോലീസ് മൈതാനിയില് നടന്ന സാംസ്കാരിക സമ്മേളനവും കലാസന്ധ്യയും ആദരിക്കല് ചടങ്ങും ആതുരമിത്രം ധനസഹായ വിതരണവും കൃഷി-മൃഗസംരക്ഷണ വകുപ്പുമന്ത്രി കെ.പി.മോഹനന് ഉദ്ഘാടനം ചെയ്തു. കണ്ണൂര് ജില്ലാ പോലീസ് മേധാവി പി.എന്.ഉണ്ണിരാജന് അദ്ധ്യക്ഷത വഹിച്ചു. റിട്ടയേര്ഡ് ഡിജിപി കെ.ജെ.ജോസഫ് മുഖ്യതിധിയായി. കണ്ണൂര് റേഞ്ച് ഡിഐജി ദിനേന്ദ്രകശ്യപ്, ജില്ലാ കലക്ടര് ബാലകിരണ്, കെപിഒഎ ജില്ലാ പ്രസിഡന്റ് എം.പി.ആസാദ്, വി.കെ.അബ്ദുള് നിസാര് എന്നിവര് പ്രസംഗിച്ചു. പ്രശസ്ത സിനിമാ സംവിധായകന് സലിം അഹമ്മദ്, സംഗീതസംവിധായകന് രതീഷ് വേഗ, 31ന് സര്വ്വീസില് നിന്നും വിരമിക്കുന്ന ഉദ്യോഗസ്ഥര് എന്നിവരെ ചടങ്ങില് ആദരിച്ചു.
പോലീസ് ഡിപ്പാര്ട്ട്മെന്റില് കലാപരിപാടികള് കാര്യമായി നടക്കുന്നില്ല: ഡിഐജി ദിനേന്ദ്രകശ്യപ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.