കോഴിക്കോട്: വിവിധ സര്ക്കാര് വകുപ്പുകളിലെ കാലഹരണപ്പെട്ട നിയമങ്ങളും ചട്ടങ്ങളും ആയുര്വേദ ആശുപത്രി മേഖലയുടെ വളര്ച്ചക്ക് തടസ്സം സൃഷ്ടിക്കുന്നതായി ആയുര്വേദ ഹോസ്പിറ്റല് മാനേജ്മെന്റ് അസോസിയേഷന് കോഴിക്കോട് ജില്ലാ വാര്ഷിക ജനറല് ബോഡി യോഗം കുറ്റപ്പെടുത്തി. ഇന്ത്യയുടെ പാരമ്പര്യ ചികിത്സാ ശാസ്ത്രമായ ആയുര്വേദം എല്ലാ വിഭാഗം ജനങ്ങള്ക്കും മിതമായ നിരക്കില് ലഭ്യമാക്കാന് ആയുര്വേദ ആശുപത്രി മേഖലയെ പ്രത്യേക സോണ് ആയി പ്രഖ്യാപിച്ച് ഇളവുകള് നല്കി സംരക്ഷിക്കണമെന്നും യോഗം ആവശ്യപ്പെട്ടു. ജനുവരിയില് കോഴിക്കോട് നടക്കുന്ന ഗ്ലോബല് ആയുര്വേദ ഫെസ്റ്റ് വിജയിപ്പിക്കാനും പുതുതായി ആയുര്വേദ ആശുപത്രികള് ആരംഭിക്കുന്നവരെ സഹായിക്കാനായി ഹെല്പ്പ് ഡസ്ക് തുടങ്ങാനും യോഗം തീരുമാനിച്ചു.
ഡോ.എം.കെ. മാധവന് നമ്പ്യാര് അധ്യക്ഷത വഹിച്ച യോഗം സംസ്ഥാന ട്രഷറര് ഡോ. മുഹമ്മദ് ബാപ്പു ഉദ്ഘാടനം ചെയ്തു. ഡോ. സനല് കുറിഞ്ഞിക്കാട്ടില്, ഡോ. മഹിപാല്, ഡോ. പുഷ്പരാജന്, ഡോ. എലിസബത്ത് ഷൈനി, ഡോ. വത്സലാ ദേവി എന്നിവര് സംസാരിച്ചു.
ഭാരവാഹികളായി ഡോ.എം.എം സനില്കുമാര്(പ്രസിഡന്റ്), ഡോ. പി.സി. മനോജ്കുമാര് (സെക്രട്ടറി), ഡോ. സനത് രത്നം (ട്രഷറര്) എന്നിവരെ തെരഞ്ഞെടുത്തു.
