കൊച്ചി: വാര്ത്തകള് പലപ്പോഴും വിവാദങ്ങള്ക്കാണ് പ്രാധാന്യം നല്കുന്നതെന്ന് ജസ്റ്റിസ് ആര്. ഭാസ്കരന്. വാര്ത്തകള് കേട്ടപാതി കേള്ക്കാത്തപാതി ആകരുത്. എങ്കിലും സമൂഹത്തിലെ പല പ്രശ്നങ്ങളും പുറത്തുകൊണ്ടുവരുന്നതില് മാധ്യമങ്ങള് വഹിക്കുന്ന പങ്ക് പ്രശംസനീയമാണ്. കൊച്ചി അന്താരാഷ്ട്ര പുസ്തകോത്സവത്തിന്റെ അഞ്ചാംദിവസം നടന്ന മാധ്യമ പുരസ്കാരസഭയില് പ്രമുഖ മാധ്യമപ്രവര്ത്തകന് വി.പി. രാമചന്ദ്രനെ ആദരിച്ച് സംസാരിക്കുകയായിരുന്നു അദ്ദേഹം. പി. സുജാതന് അധ്യക്ഷതവഹിച്ചു. എഐആര് മുന് ഡയറക്ടര് കെ.എല്. ശ്രീകൃഷ്ണദാസ്, ടി.ജി. മോഹന്ദാസ് എന്നിവര് സംസാരിച്ചു. കേരളകൗമുദി ബ്യൂറോ ചീഫ് എം.എസ്. സജീവന്, കൈരളി പീപ്പിള് ലേഖകന് സി. സമീര് എന്നിവര്ക്ക് മാധ്യമപുരസ്കാരം സമ്മാനിച്ചു. ജിപിസി നായര് രചിച്ച ജീവിതവും വീക്ഷണവും എന്ന പുസ്തകം കൊച്ചൗസേപ്പ് ചിറ്റിലപ്പള്ളി കെ.എല്. മോഹനവര്മ്മക്ക് നല്കി പ്രകാശനം ചെയ്തു. കുട്ടികളുടെ പുസ്തകോത്സവത്തില് സെന്റ് ആന്റണീസ് ഹൈസ്കൂള്, സെന്റ് ആല്ബര്ട്സ് ഹൈസ്കൂള്, ശ്രീവെങ്കിടേശ്വര ഹൈസ്കൂള് എന്നിവര് കെ.എല്. മോഹനവര്മ്മയില്നിന്ന് പുരസ്കാരം ഏറ്റുവാങ്ങി.
മൂന്ന് കുട്ടിപ്പടങ്ങളുടെ പ്രദര്ശനവും നടന്നു. വൈകിട്ട് പ്രശസ്ത ചിത്രകലാകാരന് കെ.കെ. വാര്യരെ ഡോ. എം.ജി. ശശിഭൂഷണ് ആദരിച്ചു. ഡോ. സി.എം. രത്നം, എം.എല്. രമേഷ്, കെ.വി.പി. കൃഷ്ണകുമാര് എന്നിവര് പ്രസംഗിച്ചു. തുടര്ന്ന് കുമാരി അമൃത ജെ. രമേശ് നൃത്തനൃത്യങ്ങള് അവതരിപ്പിച്ചു.
