പാനൂര്: സേവനപാതയില് അഞ്ചാംവര്ഷവും എലാങ്കോട് വിവേകാനന്ദ സാംസ്ക്കാരിക കേന്ദ്രം. സ്വര്ഗീയ കെടി.ജയകൃഷ്ണന് മാസ്റ്റര് ബലിദാനദിനത്തിന്റെ ഭാഗമായി നടത്തി വരുന്ന രക്തദാന പരിപാടിയാണ് ഇന്നലെ സാംസ്ക്കാരിക കേന്ദ്രത്തില് ബഹുജന പങ്കാളിത്തതോടെ നടന്നത്.തലശേരി ജനറല് ആശുപത്രിയിലേക്കാണ് രക്തം ദാനംനല്കിയത്. വിദ്യാര്ത്ഥിനികളടക്കം 50പേര് ഈ സദുദ്യമത്തില് പങ്കാളികളായി. ആര്എസ്എസ് പാനൂര് താലൂക്ക് കാര്യവാഹ് കെസി.വിഷ്ണു ഉദ്ഘാടനം ചെയ്തു. രാഷ്ട്രത്തിനു വേണ്ടി ഇത്തരം മഹത്തായ കാര്യങ്ങള് ചെയ്യാന് പ്രതിജ്ഞാബന്ധരായ സമൂഹത്തെയാണ് നാടിനാവശ്യമെന്നും അതാണു നമ്മുടെ സംസ്കാരമെന്നും അദ്ദേഹം പറഞ്ഞു. സമര്പ്പണത്തിന്റെയും,ത്യാഗത്തിന്റെയും ചരിത്രത്തിന്റെ ഭാഗമാണ് കോഴിക്കോട് മാന്ഹോളില് അന്യസംസ്ഥാന തൊഴിലാളികളെ രക്ഷിക്കാനിറങ്ങി ജീവത്യാഗം ചെയ്ത നൗഷാദ് നമുക്കു കാട്ടിത്തതരുന്നത്. നൗഷാദിന്റെ ജീവത്യാഗം മാതൃകാപരമാണെന്നും കെസി.വിഷ്ണു കൂട്ടിച്ചേര്ത്തു. ജിറണ്പ്രസാദ് അദ്ധ്യക്ഷത വഹിച്ചു. ഡോ:അനുഷ, കെ.സതീഷ്, കെ.പ്രകാശന് എന്നിവര് സംസാരിച്ചു. എം.രത്നാകരന്, ശരത്ത് രാജ്, വികെ.ഷിജിന് തുടങ്ങിയവര് നേതൃത്വം നല്കി.
സേവനപാതയില് അഞ്ചാംവര്ഷവും എലാങ്കോട് വിവേകാനന്ദ സാംസ്ക്കാരിക കേന്ദ്രം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.