കേരളത്തിലെ മൂന്നരക്കോടിക്ക് മേലെ വരുന്ന ജനങ്ങളില് എത്രപേര് തങ്ങളില് പലരുടേയും അന്തകനാകാന് സാദ്ധ്യതയുള്ള മുല്ലപ്പെരിയാര് ഡാമിനെപ്പറ്റിയും അതിന്റെ ഇപ്പോഴത്തെ അവസ്ഥയെപ്പറ്റിയും ബോധവാന്മാരാണ്. ബഹുഭൂരിപക്ഷത്തിനും കാര്യമായൊന്നും അറിയില്ല എന്ന് തന്നെ വേണം കരുതാന് .
1896 ല് ഈ അണക്കെട്ട് നിര്മ്മാണം പൂര്ത്തിയാക്കിയ കാലത്ത്, 50 കൊല്ലത്തിലധികം ഇത്തരം അണക്കെട്ടുകള്ക്ക് ആയുസ്സില്ലെന്ന് അണക്കെട്ടിന്റെ ശില്പ്പിയായ ബെന്നി കുക്ക് എന്ന ബ്രിട്ടീഷുകാരന് തന്നെ പറയുന്നുണ്ട്. അങ്ങനെ നോക്കിയാല്പ്പോലും സ്വാതന്ത്ര്യത്തിന് മുമ്പു തന്നെ അണക്കെട്ടിന്റെ കാലാവധി കഴിഞ്ഞിരിക്കുന്നു. സായിപ്പ് ഉണ്ടാക്കിയ അണക്കെട്ടായതുകൊണ്ട് മാത്രമാണ് പിന്നെയും 63 കൊല്ലമായി അതിങ്ങനെ പൊട്ടാതെ നില്ക്കുന്നത്.
നമ്മുടെ നാട്ടുകാര് ആരെങ്കിലുമാണ് ഡാമുണ്ടാക്കിയതെങ്കില് ഇതിനോടകം മുല്ലപ്പെരിയാര് അണക്കെട്ട് ദുരന്തത്തിന്റെ പ്ലാറ്റിനം ജൂബിലി മലയാളികള് ആഘോഷിച്ച് കഴിഞ്ഞിട്ടുണ്ടാകുമായിരുന്നു. ആയുസ്സെത്തിയ അണക്കെട്ടെങ്ങാനും പൊട്ടിയാലുള്ള അവസ്ഥയെപ്പറ്റി ചിന്തിക്കാന് തുടങ്ങിയാല് ഇടുക്കി, കോട്ടയം, പത്തനംതിട്ട, എറണാകുളം, തൃശൂര്, ആലപ്പുഴ എന്നീ ജില്ലകളിലായി കുറഞ്ഞത് 40 ലക്ഷം ജനങ്ങളെങ്കിലും ചത്തൊടുങ്ങും. കാര്യങ്ങളുടെ പോക്ക് കണ്ടിട്ട് ദൈവത്തിനല്ലാതെ മറ്റാര്ക്കും കേരളത്തെ രക്ഷിക്കാന് കഴിയുമെന്ന് തോന്നുന്നില്ല.
ജോജി എടക്കുന്നില്
