തൊടുപുഴ സരസ്വതി സ്കൂള് മുന്നേറുന്നു
തൊടുപുഴ: ഭാരതീയ വിദ്യാനികേതന് ഇടുക്കി ജില്ല കലോത്സവം രണ്ട് ദിവസം പിന്നിട്ടപ്പോള് തൊടുപുഴ സരസ്വതി വിദ്യാഭവന് 193 പോയിന്റോടെ ഒന്നാം സ്ഥാനത്ത് തുടരുകയാണ്. 152 പോയിന്റോടെ കട്ടപ്പന സരസ്വതി വിദ്യാപീഠം രണ്ടാം സ്ഥാനത്തുണ്ട്. കുടയത്തൂര് സരസ്വതി വിദ്യാനികേതന് 114 പോയിന്റുമായി മൂന്നാം സ്ഥാനത്തുണ്ട്.
കലോത്സവം ഇന്ന് സമാപിക്കും. മേളയുടെ ഉദ്ഘാടനം ഇന്ന് രാവിലെ 10ന് ജീവന് ബാബു ഐഎഎസ് നിര്വ്വഹിക്കും. സ്വാഗത സംഘം ചെയര്മാന് ബാബു പരമേശ്വരന് അധ്യക്ഷതവഹിക്കുന്ന യോഗത്തില് തൊടുപുഴ മുനിസിപ്പല് വൈസ് ചെയര്മാന് ടി.കെസുധാകരന് ആശംസ അര്പ്പിക്കും.വൈകിട്ട് നടക്കുന്ന സമാപന സമ്മേളനത്തില് തൊടുപുഴ മുനിസിപ്പല് കൗണ്സിലര് രേണുക രാജശേഖരന് സമ്മാനവിതരണം നിര്വഹിക്കും ഭാരതീയ വിദ്യാനികേതന് ജില്ലാ അധ്യക്ഷന് കെ.എന് വിജയന് അധ്യക്ഷതവഹിക്കും. ഹൈദ്രാബാദില് വച്ച് നടന്ന വിദ്യാഭാരതി ദക്ഷിണ്ക്ഷേത്ര കായികമേളയില് സ്വര്ണ്ണ മെഡല് കരസ്ഥമാക്കിയ കുടയത്തൂര് സരസ്വതി വിദ്യാനികേതന് സ്കൂളിലെ വിദ്യാര്ത്ഥികളായ അമല് സനല്, ശങ്കരി എസ്, കീര്ത്തി ഗോപിനാഥ്, രാജവേല് കുമരേശന് എന്നിവരെയും കലോത്സവത്തിന് ലോഗോ തയ്യാറാക്കിയ കലാകാരന് ബിജു ടി.ജി എന്നിവരെയും ചടങ്ങില് ആദരിക്കും.അഞ്ഞൂറോളം താരങ്ങള് മേളയില് മാറ്റുരയ്ക്കുന്നുണ്ട്.
