തൊടുപുഴ: സേവന വേതന വ്യവസ്ഥകള് കാലോചിതമായി പുതുക്കി നിശ്ചയിക്കണമെന്ന ആവശ്യം ഉന്നയിച്ച് പൈങ്കുളം ആശുപത്രിയിലെ ജീവനക്കാര് നടത്തുന്ന സമരത്തെ ചര്ച്ചകളിലൂടെ പരിഹരിക്കാന് ശ്രമിക്കുന്നതിനു പകരം വര്ഗീയ മുഖം നല്കിയും പോലീസിനെ ഉപയോഗിച്ച് മര്ദ്ദിച്ചൊതുക്കി പരാജയപ്പെടുത്തുവാനുള്ള നീക്കത്തില് നിന്നും മാനേജ്മെന്റ് പിന്തിരിയണമെന്ന് ബിജെപി ഇടുക്കി ജില്ലാ സമിതി ആവശ്യപ്പെട്ടു. നിയമം അനുശാസിക്കുന്ന മിനിമം കൂലി പോലും തൊഴിലാളികള്ക്ക് നല്കാന് തയ്യാറാകാതെ കടുംപിടുത്തം പിടിക്കുന്ന മാനേജ്മെന്റിനെ വെള്ളപൂശാന് വര്ഗീയ പ്രസ്താവനകളുമായി രംഗത്ത് എത്തുന്ന ചില മത സംഘടകളും അവര്ക്കു പ്രോത്സാഹനം നല്കുന്ന ചില മാധ്യമങ്ങളും യഥാര്ത്ഥ്യത്തെ മറച്ചുപിടിക്കുവാനാണ് ശ്രമിക്കുന്നത്. മാനേജ്മെന്റിന്റെ ഭാഗത്ത് ന്യായം ഉണ്ടെങ്കില് എന്തുകൊണ്ടാണ് മാനേജ്മെന്റ് ചര്ച്ചകള്ക്ക് തയ്യാറാകത്തെതെന്നും അവര് വ്യക്തമാക്കണം. അതില് നിന്നു തന്നെ അവര്ക്ക് മറച്ചു പിടിക്കാന് പലതും ഉണ്ടന്നതു വ്യക്തമാണ്. മതസ്വാധീനത്തിന്റെ പേരില് തൊഴിലാളി സമരത്തെ അടിച്ചൊതുക്കുവാനുള്ള ഉന്നത പോലീസ് ഉദ്യോഗസ്ഥരുടെ നിലപാട് സംശയാസ്പദമാണ്. പോലീസിന്റെ ഇത്തരം നടപടികള് ദൂരവ്യാപകമായ പ്രത്യാഘാതങ്ങള് ക്ഷണിച്ചു വരുത്താനെ ഉപകരിക്കൂ.അര്ഹതപ്പെട്ട വേതനം നല്കുവാനും അവരെ കേള്ക്കാനും മാനേജ്മെന്റ് തയ്യാറാകണമെന്നും തൊഴിലാളി സമരങ്ങളില് വര്ഗീയവികാരം ഇളക്കി വിട്ട് മുതലെടുപ്പ് നടത്താനുള്ള നീക്കത്തില് നിന്നും ബന്ധപ്പെട്ടവര് പിന്തിരിയണമെന്നും ബി.ജെ.പി ഇടുക്കി ജില്ലാ ജനറല് സെക്രട്ടറി ബിനു ജെ. കൈമള് ആവശ്യപ്പെട്ടു.
സമരം വര്ഗ്ഗീയവത്കരിക്കുവാനുള്ള ശ്രമം ഉപേക്ഷിക്കണം: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.