പെരിങ്ങോം: ചെറുപുഴ-പയ്യന്നൂര് റോഡിന്റെ ശോചനീയാവസ്ഥക്കെതിരെ രൂപീകരിച്ച പ്രക്ഷോഭ സമിതി സമരങ്ങള്ക്ക് തുടക്കമിടുന്നു. ചെറുപുഴ, പെരിങ്ങോം, വയക്കര, കാങ്കോല്, ആലപ്പടമ്പ് പഞ്ചായത്തുകളില് 7 ന് സമിതിയുടെ ആഭിമുഖ്യത്തില് ഹര്ത്താലാചരിക്കും. 7 ന് രാവിലെ 9 മണിക്ക് പാടിയോട്ടുചാലില് സമരത്തിന് ഐക്യദാര്ഡ്യം പ്രഖ്യാപിച്ച് പ്രകടനം നടക്കും. സമരത്തിന്റെ രണ്ടാംഘട്ടത്തില് ചെറുപുഴയില് നിന്ന് പയ്യന്നൂരിലേക്ക് നടത്തസമരം സംഘടിപ്പിക്കും. ഡിസംബര് അവസാന വാരത്തില് സെക്രട്ടേറിയറ്റിലേക്ക് ജനകീയ മാര്ച്ചും സത്യഗ്രഹവും നടക്കും. പാടിയോട്ടുചാലില് ചേര്ന്ന ചെറുപുഴ-പയ്യന്നൂര് റോഡ് പ്രക്ഷോഭ സമിതിയുടെ ജനകീയ കൂട്ടായ്മ ജില്ലാ പരിസ്ഥിതി സമിതി ഭാസ്കരന് വെള്ളൂര് ഉദ്ഘാടനം ചെയ്തു. അഡ്വ.വി.കെ.രവീന്ദ്രന് അധ്യക്ഷത വഹിച്ചു. ഇ.വി.നാരായണന്, എ.കെ.ആര്.യൂസഫ്, പെരിങ്ങോം ഹാരിസ്, സി.സുന്ദരന്, രൂപേഷ് തൈവളപ്പില്, കെ.ശ്രീധരന്, കെ.ലക്ഷ്മണന്, എം.ബാലകൃഷ്ണന്, ഷിനോയി മുട്ടത്തുപാറ എന്നിവര് സംസാരിച്ചു.
ചെറുപുഴ-പയ്യന്നൂര് റോഡ് ശോചനീയാവസ്ഥക്കെതിരെ 7 ന് ഹര്ത്താല്: മലയോര മേഖല നിശ്ചലമാകും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.