ചീഫ് സെക്രട്ടറിക്കു കിട്ടുന്നതിനേക്കാള് കൂടുതല് ശമ്പളം നല്കി ജിജി തോംസണെ വേണമെങ്കില് ചീഫ് സുവിശേഷകനായി നിയമിക്കാനും സഭയ്ക്കു കഴിവുണ്ട് എന്നതിനാലാകും ധൈര്യസമേതം അദ്ദേഹം സുവിശേഷ വേലയ്ക്കാഹ്വാനം നല്കിയത്. ചീഫ് സുവിശേഷകനായാല് റിട്ടയര്മെന്റുമില്ല.
ഇതെഴുതുന്നയാള് മതപണ്ഡിതനോ തത്വജ്ഞാനിയോ അല്ല. ഒരു സാധാരണക്കാരന് മാത്രം. ഒരു കൂട്ടര് പറയുന്നു ”ഇസ്ലാമിലൂടെ മാത്രം മോചനം.” വേറൊരു കൂട്ടര് ”യഹോവയല്ലാതെ മറ്റൊരു ദൈവമില്ല” എന്നും ”മോചനത്തിന് ക്രിസ്തുവല്ലാതെ മറ്റൊരു വഴിയുമില്ല” എന്നും പറയുന്നു. ഒന്നു ചോദിച്ചോട്ടെ, ഈ രണ്ടുമതങ്ങളുമുണ്ടാകുന്നതിനുമുന്പു ജനിച്ചവരൊക്കെ മോചനം കിട്ടാതെ അലയുകയാണോ?
അവനവന്റെ വിശ്വാസത്തിലും മതത്തിലും ഉറച്ചുനിന്നു ജീവിക്കുന്നതു മനസ്സിലാക്കാം. പക്ഷേ തങ്ങളുടെ മതമാണ് ശ്രേഷ്ഠമെന്നും അതില് വിശ്വസിച്ചാലെ സ്വര്ഗം ലഭിക്കൂ എന്നും പ്രേരിപ്പിച്ച് മറ്റു വിശ്വാസങ്ങളെ ആക്ഷേപിക്കുന്ന പണി ശരിയല്ല.
സ്വയം സ്വര്ഗത്തില് പോയാല് പോരെ, മറ്റുള്ളവരെയും സ്വര്ഗത്തെത്തിച്ചേ അടങ്ങൂ എന്ന വാശിപിടിക്കുന്നതെന്തിന്? എല്ലാവരെയും സ്വര്ഗത്തിലെത്തിച്ചേക്കാമെന്ന് വല്ല ‘ക്വട്ടേഷനും’ ഇക്കൂട്ടര്ക്കു ദൈവം കൊടുത്തിട്ടുണ്ടോ? ‘മതം മാറൂ’ എന്ന ആഹ്വാനം തന്നെ അസഹിഷ്ണുതയുടെ ലക്ഷണമാകുന്നു.
കെ.വി.സുഗതന്, ആലപ്പുഴ
