അടിമാലി: അടിമാലി പഞ്ചായത്തിലെ മാലിന്യ നീക്കം തടസപ്പെട്ടതോടെ നഗരം ചീഞ്ഞ് നാറാന് തുടങ്ങി. ടൗണില് നിന്നും ശേഖരിക്കുന്ന മാലിന്യം അനധികൃതമായി നഗരത്തില് തന്നെ നിക്ഷേപിക്കുന്നതിനെതിരെ ഹൈക്കോടതി വിധി പ്രഖ്യാപിച്ചതോടെയാണ് മാലിന്യ നീക്കം തടസപ്പെട്ടിരിക്കുന്നത്. പൊതുപ്രവര്ത്തകനായ ജോബി വെട്ടിക്കുഴിയാണ് ഹൈക്കോടതിയെ രണ്ട് മാസം മുന്പ് കോടതിയെ സമീപിച്ചത്. ഇതേത്തുടര്ന്നാണ് പഞ്ചായത്ത് ഭരണകൂടത്തിന്റെ ജനദ്രോഹപ്രവര്ത്തനത്തിനെതിരെ ഡിവിഷന്ബെഞ്ച് സ്റ്റേ നല്കിയത്. സ്റ്റേകിട്ടിയതിനെതുടര്ന്ന് പഞ്ചായത്ത് അധികൃതര് കഴിഞ്ഞ ദിവസം മുതല് മാലിന്യ ശേഖരണം നിര്ത്തിയിരിക്കുകയാണ്. ഇത് മൂലം ടൗണ്പരിസരങ്ങള് ദുര്ഗന്ധപൂരിതമായിരിക്കുകയാണ്. മാലിന്യശേഖരണം നടത്തിയാല് അത് നിക്ഷേപിക്കാന് സംവിധാനമില്ലാത്തതാണ് അധികൃതരെ കുഴയ്ക്കുന്നത്. പഞ്ചായത്ത് ഓഫീസിന് പിന്വശത്ത് മാലിന്യകൂമ്പാരമാണ്. എലികളും ഈച്ചകളും പെരികിയതിനെ തുടര്ന്ന് ഓഫീസിലെത്തുന്ന പൊതുജനങ്ങള്ക്കും ഉദ്യോഗസ്ഥര്ക്കും മൂക്ക് പൊത്തേണ്ട ദുര്സ്ഥിയാണ് ഉള്ളത്. ലക്ഷങ്ങള് മുടക്കി ഇരുമ്പ്പാലത്ത് ഏക്കര്കണ്ണക്കിന് സ്ഥലം മാലിന്യ നിക്ഷേപത്തിനായി ഭരണസമിതിയിലെ ചിലര് ചേര്ന്ന് വാങ്ങിയിരുന്നത് വിമര്ശനങ്ങള്ക്കിട നല്കിയിരുന്നു. സ്ഥലം വാങ്ങിയിരുന്നുവെങ്കിലും മാലിന്യം ഇവിടെ നിക്ഷേപിക്കാന് സൗകര്യമുണ്ടാക്കിയില്ല. കൂമ്പന്പാറയിലുള്ള പൊതുസ്മശാനത്തിന്റെ സ്ഥലത്ത് മാലിന്യനിക്ഷേപം നടത്തിയിരുന്നുവെങ്കിലും ഇതും നിര്ത്തി. ലക്ഷങ്ങള് മുടിച്ച പൊതുശ്മശാനം കാട് മൂടിയനിലയിലാണ്. കഴിഞ്ഞ ദിവസം ടെക്നിക്കല് സ്കൂളിന് സമീപം കണ്ട അജ്ഞാത മൃതദേഹം ഇവിടെ സംസ്കരിക്കുന്നതിന് കാട് വെട്ടിതെളിക്കേണ്ട സ്ഥിതിയായിരുന്നു. മാലിന്യ നീക്കം പ്രതിസന്ധിയിലായതോടെ വരും ദിനങ്ങള് അടിമാലിയെ കൂടുതല് ദുര്ഗന്ധപൂരിതമാക്കാനാണ് സാധ്യത. ഇതിനിടെ സ്റ്റേമറികടക്കുന്നതിന് വേണ്ടി അധികൃതര് ശ്രമം തുടങ്ങിയതായി സൂചനയുണ്ട്. പൊതുതാല്പര്യ ഹര്ജിയില് സമീപ പ്രദേശത്തെ റസിഡന്സ് അസ്സോസിയേഷനുകളും കക്ഷി ചേര്ന്നിട്ടുണ്ട്. ആരോഗ്യവകുപ്പധികൃതര് ഇതെല്ലാം കണ്ടില്ലെന്ന മട്ടിലാണ്. മാലിന്യകൂമ്പാരങ്ങള്ക്കിടയില് നിന്നും ദുര്ഗന്ധപൂരിതമായ ജലം തോട്ടിലൂടെ ഒഴുകി ദേവിയാര് പുഴയും മലിനമായിട്ടുണ്ട്. ദേവിയാര്പുഴ മലിനമാകുന്നതോടെ ആരോഗ്യപ്രശ്നങ്ങളും രോഗബാധയും വെല്ലുവിളിയാകും.
മാലിന്യ നീക്കം നിലച്ചു; അടിമാലി ചീഞ്ഞുനാറുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.