ചെറുതോണി: ജില്ലാ ആസ്ഥാനത്തിന് സമീപം സ്ഥിതി ചെയ്യുന്ന പ്രകൃതി രമണീയമായ പാല്ക്കുളം മേടിനെ ഗ്രാമീണ ടൂറിസം പ്രോജക്ടില് ഉള്പ്പെടുത്തിയെന്ന് ഇടുക്കി എംഎല്എ റോഷി അഗസ്റ്റില് അറിയിച്ചു. പാല്ക്കുളം ശ്രീദുര്ഗ്ഗാദേവി മഹാദേവ ക്ഷേത്രം നടപ്പന്തല് സമര്പ്പണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മുളകുവള്ളി ക്ഷേത്രവും ഇതിന് സമീപത്ത് ക്രൈസ്ത ദേവാലയവും പ്രവര്ത്തിക്കുന്നുണ്ട്. കേരളത്തിന്റെ വിവിധ സ്ഥലങ്ങളില് നിന്നും ഇവിടെയെത്തുന്ന തീര്്ത്ഥാടകര്ക്കും ടൂറിസ്റ്റുകള്ക്കും സൗകര്യം ഒരുക്കുന്നതിനും നടപടി ആരംഭിച്ചതായി അദ്ദേഹം പറഞ്ഞു.ഇടുക്കി ജില്ലാ കളക്ടര് വി രതീശന് നടപ്പന്തല് സമര്പ്പണം നിര്വ്വഹിച്ചു. ക്ഷേത്രം പ്രസിഡന്റ് ശശി പാറത്താഴത്ത് അദ്ധ്യക്ഷത വഹിച്ച യോഗത്തില് സ്വാമി ദേവചൈതന്യ അനുഗ്രഹ പ്രഭാഷണം നടത്തി.
ഗ്രാമപഞ്ചായത്ത് പ്രസിഡന്റ് ആന്സി തോമസ് മുഖ്യ പ്രഭാഷണം നടത്തി. ത്രിതല പഞ്ചായത്തില് തെരഞ്ഞെടുക്കപ്പെട്ട ജനപ്രതിനിധികള്ക്ക് ചടങ്ങില് സ്വീകരണം നല്കി. ഹിന്ദു ഐക്യവേദി താലൂക്ക് വൈസ് പ്രസിഡന്റ് വി പി വിജയകുമാര്, ശ്രീ വ്യാസാ ആശ്രമം ഉപദേശക സമിതി അദ്ധ്യക്ഷന് സാജു കണ്ടത്തില്, ക്ഷേത്രം സെക്രട്ടറി സുരേഷ് പള്ളിപുറത്ത് എന്നിവര് പ്രസംഗിച്ചു.
