കണ്ണൂര്: അഭിഭാഷകര് കാലത്തിനനുസരിച്ചുള്ള മാറ്റങ്ങള് ഉള്ക്കൊള്ളാന് തയ്യാറാകണമെന്ന് ആര്എസ്എസ് പ്രാന്ത സഹസംഘചലകും ബാര് കൗണ്സില് ഓഫ് കേരള മുന് വൈസ് ചെയര്മാനുമായ അഡ്വ.കെ.കെ.ബാലറാം പറഞ്ഞു. കണ്ണൂര് ഹോട്ടല് ഇന്ത്യാ ഹൗസില് ഭാരതീയ അഭിഭാഷക പരിഷത് ജില്ലാ കമ്മറ്റി സംഘടിപ്പിച്ച നിയമദിന സംവാദം 2015 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആനുകാലിക വിഷയങ്ങള് ആഴത്തില് പഠിക്കാനും കാര്യങ്ങള് മനസ്സിലാക്കാനുമുള്ള അഭിവാഞ്ച അഭിഭാഷകരിലുണ്ടാകണം. കാരണം എല്ലാം അറിയുന്നവരാണ് അഭിഭാഷകരെന്നാണ് ജനങ്ങളുടെ വിശ്വാസം. ജോലിയുടെ ഭാഗമായി ഈ വിശ്വാസം നിലനിര്ത്തേണ്ടതായിട്ടുണ്ട്. 99-ാം ഭേദഗതി റദ്ദ് ചെയ്ത സുപ്രീം കോടതിയുടെ നടപടിയില് മൂന്ന് കാര്യങ്ങള് കാണുന്നതായി അദ്ദേഹം സൂചിപ്പിച്ചു. പൊതുജനങ്ങളോടുള്ള അനാദരവ്, സര്ക്കാറിനോടുള്ള അവിശ്വാസം, ജുഡീഷ്യറിയുള്ള അമിതമായ വിശ്വാസ എന്നിവയാണവ. ഭാരതം ജനാധിപത്യ രാഷ്ട്രമായി നിലകൊള്ളുന്നതില് ജുഡീഷ്യറിക്ക് വളരെ വലിയ പങ്കാണുള്ളത്. ജനാധിപത്യത്തില് സംഭവിക്കുന്ന തെറ്റുകള് ചൂണ്ടിക്കാട്ടാന് സാധിക്കുന്നു എന്നതു തന്നെ ജുഡീഷ്യറിയുടെ വിജയമാണ്. ദേശീയ ജുഡീഷ്യല് നിയമന കമ്മീഷന് ആക്ട് മരവിപ്പിച്ച നടപടിയുമായി ബന്ധപ്പെട്ട് ബാര് അസോസിയേഷനും ബാര് കൗണ്സിലുകളും ചര്ച്ചകള് സംഘടിപ്പിച്ച് അവ സുപ്രീം കോടതിക്ക് അയച്ചുകൊടുക്കണമെന്നും അദ്ദേഹം നിര്ദ്ദേശിച്ചു. അഭിഭാഷക പരിഷത്ത് ജില്ലാ പ്രസിഡണ്ട് എം.കെ.രഞ്ചിത്ത് അധ്യക്ഷത വഹിച്ചു. അഭിഭാഷക പരിഷത്ത് സംസ്ഥാന സമിതിയംഗവും ബിജെപി ജില്ലാ ജനറല് സെക്രട്ടറിയുമായ അഡ്വ.വി.രത്നാകരന് വിഷയാവതരണം നടത്തി. അസിസ്റ്റര് ഗവ.പ്ലീഡര് ഇ.ആര്.വിനോദ്, ലോയേഴ്സ് യൂണിയന് ജില്ലാ സെക്രട്ടറി വി.പി.ശശീന്ദ്രന്, ബിജെപി ജില്ലാ വൈസ് പ്രസിഡണ്ട് അഡ്വ.എ.വി.കേശവന് എന്നിവര് സംവാദത്തില് പങ്കെടുത്ത് സംസാരിച്ചു. അഭിഭാഷക പരിഷത്ത് ജില്ലാ സെക്രട്ടറി അഡ്വ.പി.വി.സതീഷ് സ്വാഗതവും ജില്ലാ ജോയന്റ് സെക്രട്ടറി അഡ്വ.പ്രസൂണ് നമ്പ്യാര് നന്ദിയും പറഞ്ഞു. ഉന്നത ന്യായാധിപ നിയമനം ദേശീയ ജുഡീഷ്യല് നിയമന കമ്മീഷനിലൂടെ എന്ന വിഷയത്തെ അധികരിച്ചാണ് സംവാദം സംഘടിപ്പിച്ചത്.
അഭിഭാഷകര് കാലത്തിനനുസരിച്ചുള്ള മാറ്റങ്ങള് ഉള്ക്കൊള്ളണം: അഡ്വ.കെ.കെ.ബാലറാം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.