കാഞ്ഞാര്: മൂലമറ്റം റോഡിലൂടെ കാല്നടയാ
ത്രക്കാരുടെ യാത്ര ദുരിതം നിറഞ്ഞതാണ്. ചീറിപ്പാഞ്ഞ് വരുന്ന വാഹനങ്ങളില് നിന്നും രക്ഷനേടാന് റോഡുവക്കിലേക്ക് മാറിയാല് അവിടെയും ചതിക്കുഴികളും തടസങ്ങളുമാണ്. കുടയത്തൂര് അന്ധവിദ്യാലയത്തിന് സമീപം ടെലിഫോണ് കേബിള് നന്നാക്കാനായി കുഴിയെടുത്തിട്ട് ഇതുവരെ മൂടിയിട്ടില്ല. ഒരുമാസമായി കാല്നടയാത്രക്കാരന് ഭീഷണിയായി ഈ കുഴി നിലനില്ക്കുകയാണ്. അന്ധവിദ്യാലയത്തിലെ കുട്ടികള് ഈ കുഴിയുടെ ഭാഗത്തുകൂടിയാണ് ബസില് കയറാന് പോകുന്നത്. ക്ലേശിച്ചാണ് ഇവര് യാത്ര ചെയ്യുന്നത്.
ആയൂര്വേദ ആശുപത്രിയ്ക്ക് സമീപത്തെ ദുരിതം വഴിവക്കില് മുറിച്ചിട്ടിരിക്കുന്ന മരക്കഷണങ്ങളാണ്. കഴിഞ്ഞ വര്ഷകാലത്ത് അപകടകരമായി റോഡുവക്കില് നില്ക്കുന്ന മരങ്ങള് വെട്ടി നീക്കണമെന്ന് കളക്ടര് നിര്ദ്ദേശം നല്കിയിരുന്നു. ഇതേത്തുടര്ന്നാണ് ഇവിടെ നിന്ന മരം മുറിച്ച് നീക്കിയത്. എന്നാല് മുറിച്ചിട്ട മരം ചെറുകഷണങ്ങളാക്കി കാല്നടയാത്രക്കാര്ക്ക് വിലങ്ങുതടിയായി കിടക്കുകയാണ്. റോഡിലെ കുഴിയും മരക്കഷണങ്ങളും നീക്കി സഞ്ചാര സൗകര്യം ഉറപ്പാക്കണമെന്നാണ് തദ്ദേശവാസികളുടെയും വിദ്യാര്ത്ഥികളുടെയും ആവശ്യം.
