ആലപ്പുഴ: നഗരസഭാ തെരഞ്ഞെടുപ്പില് എഎന്പുരം വാര്ഡില് ദയനീയ പരാജയം ഏറ്റുവാങ്ങിയ കോണ്ഗ്രസ് സ്ഥാനാര്ത്ഥി ബിജെപി പ്രവര്ത്തകരെ കള്ളക്കേസില് കുടുക്കാന് ശ്രമം തുടങ്ങി. ആയിരത്തിലേറെ വോട്ടുകള്ക്കാണ് കോണ്ഗ്രസ് സ്ഥാനാര്ത്ഥി സഞ്ജീവ് ഭട്ട് ബിജെപി സ്ഥാനാര്ത്ഥി ആര്. ഹരിയോട് പരാജയപ്പെട്ടത്. ദയനീയ പരാജയം അംഗീകരിക്കാതെ ബിജെപി പ്രവര്ത്തകരെ ഭരണസ്വാധീനം ഉപയോഗിച്ച് കള്ളക്കേസില് കുടുക്കാനാണ് കോണ്ഗ്രസ് സ്ഥാനാര്ത്ഥിയും ചില കോണ്ഗ്രസ് പ്രവര്ത്തകരും ശ്രമം നടത്തുന്നത്. എഎന്പുരം തിരുമല ക്ഷേത്രം വക ഭൂമി വില്പനയുമായി ബന്ധപ്പെട്ട് നേരത്തെ ആരോപണങ്ങള് ഉയര്ന്നിരുന്നു. തെരഞ്ഞെടുപ്പിന്റെ മുന്ദിവസങ്ങളില് ഇക്കാര്യങ്ങള് ഉന്നയിച്ച് പോസ്റ്റര് പ്രചാരണം നടത്തയെന്ന് ഇയാള് ബിജെപി പ്രവര്ത്തകര്ക്കെതിരെ പോലീസില് പരാതി നല്കുകയായിരുന്നു. ഇതിന്റെ അടിസ്ഥാനത്തില് ആലപ്പുഴ ഡിവൈഎസ്പി ബിജെപി പ്രവര്ത്തകരെ ഓഫീസില് വിളിച്ചുവരുത്തി ഭീഷണിപ്പെടുത്തിയതായും പരാതിയുണ്ട്. നടക്കാത്ത സംഭവത്തിന്റെ പേരില് കേസെടുത്ത് പ്രദേശത്തെ ബിജെപി പ്രവര്ത്തനം തടസ്സപ്പെടുത്താനാണ് ഒരു വിഭാഗം കോണ്ഗ്രസ് പ്രവര്ത്തകരുടെ നീക്കം.
ബിജെപി പ്രവര്ത്തകരെ കള്ളക്കേസില് കുടുക്കാന് ആസൂത്രിതനീക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.