കെ.ടി.ജയകൃഷ്ണന് മാസ്റ്ററുടെ പതിനാറാം ബലിദാനവാര്ഷിക ദിനത്തില് മൊകേരി ഉമാനിലയത്തിലെ സ്മൃതിമണ്ഡപത്തില് ബിജെപി ദേശീയ നിര്വാഹകസമിതി അംഗം പി.കെ.കൃഷ്ണദാസിന്റെ നേതൃത്വത്തില് നടന്ന പുഷ്പാര്ച്ചന
പാനൂര്: യുവമോര്ച്ച സംസ്ഥാന ഉപാദ്ധ്യക്ഷനായിരിക്കെ സിപിഎം സംഘം അരുംകൊല ചെയ്ത കെ.ടി. ജയകൃഷ്ണന് മാസ്റ്ററുടെ പതിനാറാം ബലിദാനവാര്ഷിക ദിനമായ ഇന്നലെ മൊകേരി ഉമാനിലയത്തിലെ സ്മൃതിമണ്ഡപത്തില് പുഷ്പാര്ച്ചനയ്ക്കായി എത്തിയത് ആയിരങ്ങള്. സ്ത്രീകളും, കുട്ടികളുമടക്കം സംസ്ഥാനത്തിന്റെ വിവിധ ജില്ലകളില് നിന്ന് യുവനേതാവിന്റെ വീരസ്മരണ പുതുക്കാന് രാവിലെ മുതല് ആളുകള് എത്തിയിരുന്നു. കാലയവനികയില് മറഞ്ഞ് ഒരു വ്യാഴവട്ടം കഴിഞ്ഞിട്ടും മരണമില്ലാത്ത ഓര്മ്മകളുമായി ജനഹൃദയങ്ങളില് ജീവിക്കുന്ന വഴികാട്ടിയായ യുഗപ്രഭാവന്റെ മുന്നില് പുഷ്പാര്ച്ചന നടത്തിയ പ്രവര്ത്തകര്, താങ്കള് ഉയര്ത്തി പിടിച്ച ആദര്ശലക്ഷ്യം പൂര്ത്തികരിക്കുമെന്ന് ദൃഢപ്രതിജ്ഞയെടുത്തു. ബിജെപി ദേശീയ സമിതി അംഗം പി.കെ. കൃഷ്ണദാസ്, യുവമോര്ച്ച സംസ്ഥാന പ്രസിഡണ്ട് അഡ്വ:പി. സുധീര്, ആര്എസ്എസ് സംഭാഗ് കാര്യവാഹ് പി.പി. സുരേഷ്ബാബു, വിഭാഗ് കാര്യവാഹ് വി. ശശിധരന്, ജില്ലാകാര്യവാഹ് കെ. പ്രമോദ്, ബിജെപി ജില്ലാപ്രസിഡണ്ട് കെ. രജ്ഞിത്ത് സംഘപരിവാര് നേതാക്കളായ എ.പി. പത്മിനി ടീച്ചര്, എന്.കെ. നാണു മാസ്റ്റര്, ഒ. രാഗേഷ്, വിപി. ഷാജി, രഞ്ജിത്ത് തലായി, കെ.ബി. പ്രജില്, പി. സത്യപ്രകാശ്, ടി.പി. സുരേഷ്ബാബു, കെ.സി. വിഷ്ണു, കെ. പ്രേമന്, എന്.പി. ശ്രീജേഷ്, ബിജു ഏളകുഴി, കെ.പി. അരുണ്, കെ.പി. ജിഗീഷ്, സി.വി. രാജേഷ്, വി.പി. ബാലന്, കെ.പി. സഞ്ജീവ്കുമാര്, കെ.കെ. ചന്ദ്രന്, സി.പി. സംഗീത, കെ. കാര്ത്തിക, എന്. രതി തുടങ്ങിയവര് പുഷ്പാര്ച്ചനയ്ക്ക് നേതൃത്വം നല്കി.
ജില്ലാ ഫെന്സിങ്ങ് ചാമ്പ്യന്ഷിപ്പ് : തലശ്ശേരി സായി സെന്റര് ചാമ്പ്യന്മാര്
കണ്ണൂര്: തലശ്ശേരി സായി സെന്ററില് നടന്ന ജില്ലാ ജൂനിയര്-സീനിയര് ചാമ്പ്യന്ഷിപ്പ് സായി സെന്റര് ഇന് ചാര്ജ്ജ് ജോസ് മാത്യു ഉദ്ഘാടനം ചെയ്തു. പി.അബ്ദുള് അസീസ് അധ്യക്ഷത വഹിച്ചു. ഫെന്സിങ്ങ് കോച്ചുമാരായ സാഗര് എസ് ലാഘു, രേഷ്മ എന്നിവര് സംസാരിച്ചു. സെക്രട്ടറി വി.പി.പവിത്രന് സ്വാഗതവും കെ.ശാന്തുകുമാര് നന്ദിയും പറഞ്ഞു. ചാമ്പ്യന്ഷിപ്പില് തലശ്ശേരി സായി സെന്റര് ചാമ്പ്യമാരായി. കണ്ണൂര് റെഡ് സ്റ്റാര് റണ്ണേഴ്സ് അപ്പായി. 11, 12, 13 തീയ്യതികളില് കൊല്ലത്ത് നടക്കുന്ന സംസ്ഥാന ചാമ്പ്യന്ഷിപ്പില് പങ്കെടുക്കേണ്ട ടീമംഗങ്ങളെ മത്സരത്തില് നിന്നും തെരഞ്ഞെടുത്തു.
