കണ്ണൂര്: കേരളത്തിലെ പ്രധാനപ്പെട്ട പ്രകൃതിദത്ത തുറമുഖങ്ങളിലൊന്നായ അഴീക്കല് തുറമുഖത്തിന്റെ ഒന്നാംഘട്ട പ്രവര്ത്തനങ്ങള് പൂര്ത്തീകരിച്ച് കേന്ദ്രസര്ക്കാറിന് റിപ്പോര്ട്ട് സമര്പ്പിച്ചാല് മാത്രമേ കേന്ദ്ര സര്ക്കാറിന്റെ സാഗര്മാല പദ്ധതിയില് ഉള്പ്പെടുത്തി മറ്റ് വികസന പ്രവര്ത്തനങ്ങള് നടത്താന് സാധിക്കുകയുള്ളൂ എന്ന് കേന്ദ്ര ഉപരിതല ഗതാഗത വകുപ്പ് മന്ത്രി നിധിന് ഗഡ്കരി അറിയിച്ചതായി പി.കെ.ശ്രീമതി എംപി വ്യക്തമാക്കി. ഈ സാഹചര്യം കണക്കിലെടുത്ത് അഴീക്കല് തുറമുഖത്തിന്റെ ഒന്നാംഘട്ട വികസനപ്രവര്ത്തനം എത്രയും വേഗത്തില് പൂര്ത്തീകരിച്ച് അക്കാര്യം കേന്ദ്ര സര്ക്കാരിനെ അറിയിക്കുന്നതിന് നടപടി സ്വീകരിക്കണമെന്നും വികസന പ്രവര്ത്തനങ്ങള് സമയബന്ധിതമായി നടപ്പിലാക്കുന്നതിനും കേന്ദ്രസഹായം ലഭിക്കുന്നതിനാവശ്യമായ പ്രോജക്ടുകള് തയ്യാറാക്കുന്നതിനും യഥാസമയം കേന്ദ്രസഹായം നേടിയെടുക്കുന്നതിനുമുള്ള പ്രവര്ത്തനങ്ങള് ഏകോപിപ്പിക്കുന്നതിനായി സ്പെഷ്യല് ഓഫീസറെ നിയമിക്കണമെന്നും പ്രവര്ത്തനങ്ങള് ജില്ലാതലത്തില് മോണിറ്റര് ചെയ്യുന്നതിനായി ജില്ലാ കളക്ടര് ചെയര്മാനായി ഒരു സ്ഥിരം മോണിറ്ററിംഗ് കമ്മിറ്റിയെ രൂപീകരിക്കുന്നതിനാവശ്യമായ നടപടികള് സ്വീകരിക്കണമെന്നും എംപി മുഖ്യമന്ത്രിയോട് ആവശ്യപ്പെട്ടു.
കേന്ദ്രസര്ക്കാറിന് റിപ്പോര്ട്ട് സമര്പ്പിക്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.