തൊടുപുഴ: ശമ്പള വര്ദ്ധനവ് നടപ്പാക്കത്തതില് പ്രതിഷേധിച്ച് പൈങ്കുളം ആശുപത്രിയില് ബിഎംഎസിന്റെ നേതൃത്വത്തില് ജീവനക്കാര് സമരം ആരംഭിച്ചു. പൈങ്കുളം എസ്എച്ച് ആശുപത്രിയിലെ 65 ഓളം വരുന്ന ജീവനക്കാരാണ് ഇന്നലെ മുതലാണ് സമരം ആരംഭിച്ചത്. സമരം ബിഎംഎസ് ജില്ലാ സെക്രട്ടറി സിബി വര്ഗ്ഗീസ് ഉദ്ഘാടനം ചെയ്തു. 2012 ന് ശേഷം നിരവധി തവണ നോട്ടീസ് നല്കിയിട്ടും ശമ്പള വര്ദ്ധനവ് നടപ്പാക്കാത്തതിനെ തുടര്ന്നാണ് സമരം തുടങ്ങിയത്. ആശുപത്രി മാനേജ്മെന്റിന്റെ കടുത്ത നിലപാടുകളാണ് ഇത്തരം ഒരു സമരത്തിലേക്ക് ബിഎംഎസിനെ എത്തിച്ചത്. വര്ഷങ്ങളായി ലഭിച്ചിരുന്ന റിസ്ക് അലവന്സ് ഉള്പ്പെടെയുള്ള ആനുകൂല്യങ്ങള് അടുത്തിടെ വെട്ടികുറച്ചിരുന്നു. മാനസികരോഗ്യാശുപത്രിയില് വേണ്ട സൗകര്യങ്ങള് നല്കാതെ സ്ത്രീ ജീവനക്കാര് പീഡിപ്പിക്കുന്ന നയമാണ് ആശുപത്രി അധികൃതര് സ്വീകരിക്കുന്നത്. ലേബര് ഡിപ്പാര്ട്ട്മെന്റും അധികൃതര്ക്ക് അനുകൂലമായ നിലപാടെടുക്കുന്നത്. ഡിഎല്ഒ അധികൃതര്ക്ക് ഒത്താശ ചെയ്യുന്നതായി ബിഎംഎസ് ആരോപിക്കുന്നു. തൊടുപുഴയിലെ വിവിധ ആശുപത്രികളിലും ഇത്തരത്തില് ഡിഎല്ഒ അനുകൂല നിലപാടെടുക്കുന്നതായും വിവരമുണ്ട്. തൊഴിലാളികളുടെ പരാതിയിന്മേല് ഡിഎല്ഒയ്ക്കെതിരെ വിജിലന്സ് അന്വേഷണം നടന്നുവരികയാണ്. സൂചന സമരത്തിന് ശേഷമാണ് 65 ജീവനക്കാര് സമരം തുടങ്ങിയത്. ഇന്നലെ സമരത്തില് പങ്കെുടുത്ത വനിതാ നേഴ്സുമാരെ ഉള്ളിലേക്ക് പ്രവേശിപ്പിക്കാന് ആശുപത്രി അധികൃതര് തയാറായില്ല. പുരുഷ നേഴ്സുമാര് ഉള്ളില് പ്രവേശിച്ചെങ്കിലും സ്ത്രീകള് എത്തിയപ്പോള് ഗെയിറ്റ് പൂട്ടിയ നിലയിലായിരുന്നു. ഇതേ തുടര്ന്ന് ജീവനക്കാരും ആശുപത്രി അധികൃതരും തമ്മില് വാക്കുതര്ക്കമുണ്ടായി. തൊടുപുഴ സിഐയുടെ നേതൃത്വത്തില് നടന്ന ചര്ച്ചയിലാണ് ഇവര്ക്ക് സന്ധ്യയോടെ ഉള്ളില് പ്രവേശിക്കാനായത്. സമരത്തില് ബിഎംഎസ് മേഖലാ സെക്രട്ടറി വിജയന്, നേതാക്കളായ എപി സഞ്ചു, അഡ്വ.കൃഷ്ണകുമാര്, എംപി പ്രശാന്ത് തുടങ്ങിയവര് പങ്കെടുത്തു. സമരം ഇന്നും തുടരും.
ശമ്പള വര്ദ്ധനവില്ല; പൈങ്കുളം ആശുപത്രിയില് ജീവനക്കാരുടെ സമരം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.