മറയൂര്: മറയൂര് കരമുട്ടി ആറ്റില് ഒഴുക്കില്പ്പെട്ട വിനോദസഞ്ചാരിയെ രക്ഷിച്ചു. ചെന്നൈ സ്വദേശി ശ്രീകൃഷ്ണന്(30) നെയാണ് നാട്ടുകാരും വനംവകുപ്പും ചേര്ന്ന് രക്ഷിച്ചത്. ഇന്നലെ ഉച്ചക്ക് 1.30 ഓടെ കടവില് കുളിക്കാന് ഇറങ്ങവെ മലവെള്ള പാച്ചില് എത്തിയതാണ് ശ്രീകൃഷ്ണന് ഒഴുക്കില്പ്പെടാന് കാരണമായത്. ദിവസങ്ങളായി ഈ പ്രദേശത്ത് ശക്തമായ മഴയാണ് അനുഭവപ്പെടുന്നത്. ഇതേതുടര്ന്ന് ഉരുള്പൊട്ടിയതാണ് പെട്ടന്ന് വെള്ളമെത്താന് കാരണമായതെന്നാണ് അറിവ്. ബന്ധുക്കള്ക്കൊപ്പം കടവില് ഇറങ്ങിയ ഇയാള് ഒഴുക്കില്പെടുകയായിരുന്നു. കരയ്ക്കെത്തിച്ച ശ്രീകൃഷ്ണന് പ്രാഥമിക ചികിത്സയ്ക്ക് ശേഷം യാത്ര തുടര്ന്നു. ദിവസങ്ങളായി തുടരുന്ന മഴയില് വ്യാപക കൃഷിനാശമാണ് മറയൂര് മേഖലയില് ഉണ്ടായിരിക്കുന്നത്.
ഒഴുക്കില്പ്പെട്ട വിനോദസഞ്ചാരിയെ നാട്ടുകാര് രക്ഷിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.