കൊല്ലം: മാനവസേവയാണ് മാധവസേവയെന്ന ആപ്തവാക്യത്തിന്റെ മൂല്യം പകര്ന്ന് നല്കി രവിപിള്ള ഫൗണ്ടേഷന്റെ കാരുണ്യരവം പരിപാടി ശ്രേദ്ധേയമായി. വിവിധ രോഗങ്ങളാല് അവശത അനുഭവിക്കുന്ന ആയിരക്കണക്കിന് പേരാണ് ഇന്നലെ പരിപാടിയില് പങ്കെടുക്കുവാന് എത്തിച്ചേര്ന്നത്.
ആശ്രാമം മൈതാനിയില് സജ്ജീകരിച്ച പ്രത്യേക ആഡിറ്റോറിയത്തില് നടന്ന പരിപാടിയുടെ ഉദ്ഘാടനം കേരള മുഖ്യമന്ത്രി ഉമ്മന്ചാണ്ടി നിര്വഹിച്ചു. കാരുണ്യരവം പരിപാടി സാമൂഹിക പ്രതിബദ്ധതയുളവാക്കുന്നതാണെന്നും മറ്റുള്ളവരെക്കുറിച്ച് ചിന്തിക്കുന്ന, അവര്ക്ക് വേണ്ടി പ്രവര്ത്തിക്കുന്ന ഒരു സമൂഹം സൃഷ്ടിക്കപ്പെടാന് ഇത്തരം പരിപാടികള് പ്രയോജനപ്രദമാകുമെന്നും അദ്ദേഹം പറഞ്ഞു. മാനവ സമൂഹം സ്വാര്ത്ഥത വെടിയണമെന്നും നല്ലമനസ്സോടുകൂടി പ്രവര്ത്തിക്കുവാന് കഴിയണമെന്നും അതിന്റെ മാതൃകയാണ് ഡോ.രവിപിള്ളയെന്നും ഉമ്മന്ചാണ്ടിക്കൂട്ടിച്ചേര്ത്തു.
കാരുണ്യരവം പദ്ധതിയുടെ ആദ്യസഹായം കൊട്ടാരക്കര സ്വദേശിയായ ഷൈജയ്ക്ക് മുഖ്യമന്ത്രി കൈമാറി. സര്ക്കാരുകള്ക്ക് അതീതമായി ജനങ്ങളെ സേവിക്കുവാനും സംരക്ഷിക്കുവാനും കാരുണ്യരവം പോലുള്ള പരിപാടിയിലൂടെ സാധിക്കുമെന്നും ജീവിതത്തിലെ സമ്പാദ്യത്തിന്റെ ഒരു വിഹിതം മറ്റുള്ളവര്ക്ക് വേണ്ടി മാറ്റിവയ്ക്കുന്ന മനസുകള് നമ്മുടെനാട്ടിലുണ്ടെന്ന തെളിവാണ് ഇത്തരം സേവന പ്രവര്ത്തനങ്ങളിലൂടെ തെളിയുന്നതെന്നും ഉന്നതവിദ്യാഭ്യാസ സഹായ വിതരണം ചെയ്തുകൊണ്ട് ബിജെപി സംസ്ഥാന പ്രസിഡന്റ് വി. മുരളീധരന് പറഞ്ഞു.
എംപി എന്.കെ. പ്രേമചന്ദ്രന്, എംഎല്എ പി.കെ. ഗുരുദാസന്, എ.എ. അസീസ്, സിപിഐ സംസ്ഥാന സെക്രട്ടറി കാനം രാജേന്ദ്രന്, പി. ചന്ദ്രശേഖരപിള്ള, ഗണേശ് രവിപിള്ള തുടങ്ങിയവര് സംസാരിച്ചു. ഉദ്ഘാടന സഭയ്ക്ക് ശേഷം ധനസഹായം വാങ്ങാന് എത്തിച്ചേര്ന്ന ആയിരങ്ങള്ക്ക് ഡോ.ബി. രവിപിള്ളയും കുടുംബവും അവരുടെ അരികിലേക്കിറങ്ങിചെന്ന് സഹായം വിതരണം ചെയ്തു.
