കോഴിക്കോട്: സമത്വമുന്നേറ്റയാത്രയെ തകര്ക്കാനുള്ള മാര്ക്സിസ്റ്റ് നീക്കം അപലപനീയമാണെന്ന് ഹിന്ദു ഐക്യവേദി സംസ്ഥാന ജനറല് സെക്രട്ടറി കെ.പി. ഹരിദാസ് പറഞ്ഞു. കേരളത്തില് വ്യാപകമായി യാത്രയുടെ പ്രചരണ ബോര്ഡുകള് നശിപ്പിക്കപ്പെട്ടിരിക്കുന്നു.
മറ്റുള്ളവരുടെ ആശയപ്രചാരണങ്ങളെ തകര്ക്കുന്നതാണ് ഏറ്റവും വലിയ അസഹിഷ്ണുത. അസഹിഷ്ണുതക്കെതിരെ വാതോരാതെ സംസാരിക്കുന്നവര് ഇവിടെ അസഹിഷ്ണുത വളര്ത്തുകയാണ്. സമത്വമുന്നേറ്റയാത്രക്കെതിരായി ഡിവൈഎഫ്ഐ നടത്തുന്ന യാത്ര തന്നെ ഏറ്റവും വലിയ അസഹിഷ്ണുതയുടെ തെൡവാണ്. എല്ലാകാലത്തും ഭൂരിപക്ഷസമൂഹത്തോട് മാര്ക്സിസ്റ്റുപാര്ട്ടി അനുവര്ത്തിച്ചു വരുന്ന നയം തന്നെയാണ് ഈ യാത്രയോടും വെച്ച് പുലര്ത്തുന്നത്. തങ്ങള്ക്കിഷ്ടമില്ലാത്ത ഒന്നിനേയും വെച്ചു പൊറുപ്പിക്കില്ലെന്ന ഉന്മൂലന സിദ്ധാന്തമാണ് പാര്ട്ടി ഇവിടെ നടപ്പിലാക്കാന് ശ്രമിക്കുന്നത്. എല്ലാ എതിര്പ്പുകളേയും അതിജീവിച്ച് സമത്വമുന്നേറ്റയാത്ര കേരളത്തിന്റെ നവോത്ഥാന ചരിത്രത്തിന്റെ ഭാഗമാകുമെന്നും ഹിന്ദു ഐക്യവേദി ഈ യാത്രക്ക് പരിപൂര്ണ്ണപിന്തുണ നല്കുമെന്നും ഹരിദാസ് കൂട്ടിച്ചേര്ത്തു. അസഹിഷ്ണുതയ്ക്കെതിരെ പ്രതികരിക്കുന്ന കേരളത്തിലെ സാംസ്കാരികസാഹിത്യനായകരുടെ പ്രതികരണം അറിയാന് താല്പര്യമുണ്ടെന്നും അദ്ദേഹം പറഞ്ഞു.
