കോട്ടയം: കുമാരനല്ലൂര് ദേവീക്ഷേത്രത്തിലെ തിരുവുത്സവത്തിന് 17ന് തുടക്കം. വൈകിട്ട് 4ന് തന്ത്രി മുഖ്യന് കടിയക്കോല് ഇല്ലത്ത് കെ.എന്.നമ്പൂതിരിയുടെ മുഖ്യകാര്മ്മികത്വത്തില് കൊടിയേറ്റ് നടക്കും. മധുര ഇല്ലത്ത് അച്യുതന് നമ്പൂതിരിയും മേല്ശാന്തി വാരിക്കാട് കേശവന് നന്ദികേശ് എന്നിവര് സഹകാര്മ്മികരുമായിരിക്കും 6ന് സാംസ്കാരിക സമ്മേളനവും കലാപരിപാടികളുടെ ഒപചാരികവുമായ ഉദ്ഘാടനവും നടക്കും.
മന്ത്രി തിരുവഞ്ചൂര് രാധാകൃഷ്ണന്, സുരേഷ് കുറുപ്പ് എംഎല്എ, മലയാള സര്വ്വകലാശാല അദ്ധ്യക്ഷന് കെ.ജയകുമാര് തുടങ്ങിയവര് പങ്കെടുക്കും. കോട്ടയം മെഡിക്കല് കോളേജ് കാര്ഡിയോ തൊറാസിക് മേധാവി ഡോ. ടി.കെ.ജയകുമാറിനെ ചടങ്ങില് ആദരിക്കും. കുമാരനല്ലൂര് ദേവസ്വം നല്കി വരുന്ന ദേവീകാര്ത്തിയായിനീ പുരസ്കാരം കാണക്കാരി രവി, ഡോ.സജേഷ് മേനോന്, മോഹന്ദാസ് എന്നിവര്ക്ക് സമ്മാനിക്കും. തുടര്ന്ന് ക്ലാസിക്കല് ഡാന്സും, നൃത്തനൃത്യങ്ങളും അരങ്ങേറും. രണ്ടാം ഉത്സവം, നാലാം ഉത്സവം, എട്ടാം ഉത്സവ ദിനങ്ങളില് ഉത്സവബലി. എല്ലാ തിരുവുത്സവ ദിസവങ്ങളിലും രാാവിലെയും വൈകിട്ടും പുരാണ പാരായണം, വേലകളി, മയൂരനൃത്തം. 18ന് രാത്രി 8 മുതല് 9.30വരെ പഞ്ചവാദ്യം ദര്ശനപ്രധാനമായ കൊടിക്കീഴില് വിളക്ക്. 19ന് രാത്രി 8.30മുതല് 9.30വരെ പഞ്ചവാദ്യം, തിരുവാതിര, ഇന്സ്ട്രമെന്റല് ഫ്യൂഷന്, ആനന്ദനടനം. 20ന് വൈകിട്ട് 6.30മുതല് 7.30 വരെ തായമ്പക, പഞ്ചവാദ്യം വൈകിട്ട് 3ന്. തിരുവാതിര, സംഗീതസദസ്, സംഗീതകച്ചേരി അരങ്ങേറ്റം, രാത്രി 9.30മുതല് കഥകളി. 21ന് വൈകിട്ട് 4.30ന് ഹിന്ദുഐക്യവേദി സംസ്ഥാന പ്രസിഡന്റ് കെ.പി.ശശികല ടീച്ചറിന്റെ പ്രഭാഷണം. ശേഷം സംഗീതസദസ്, സംഗീതാമൃതം, 9.30ന് കഥകളി.
22ന് രാവിലെ സമ്പൂര്ണ്ണ നാരായണീയ പാരായണം തിരുവാതിര ഭജന്സ്, സംഗീതക്കച്ചേരി, രാത്രി 8.30 മുതല് ഭക്തിഗാനമേള.
23ന് രാവിലെ 11ന് തിരുനുല്ക്കാഴ്ച സമര്പ്പണം, വൈകിട്ട് 6 മുതല് നടപ്പന്തലില് തായമ്പക സംഗീതസദസ്സ്, ഡാന്സ്, വേണുഗാനാമൃതം. 24ന് രാവിലെ 7 മുതല് ദേവീമാഹാത്മ്യം പാരായണം, ഉച്ചയ്ക്ക് 2ന് ഉത്സവബലിദര്ശനം, രാത്രി 10 മുതല് ഭരണിമേളം. രാത്രി 11മുതല് ബാലെ. 25ന് 3 മുതല് തൃക്കാര്ത്തിക ദര്ശനം, കൊട്ടിപ്പാടി സേവ, 4ന് മാനസജപലഹരി 6ന് ആറാട്ടുകടവിലേക്ക് എഴുന്നള്ളിപ്പ്, 8മുതല് തൃക്കാര്ത്തിക സംഗീതോത്സവം ത്യാഗരാജ പഞ്ചരത്ന കീര്ത്തനമാല, തുടര്ന്ന് സംഗീതസദസ്, മുകുന്ദമാലാ സ്തോത്രം. 8.30 മുതല് 2വരെ തൃക്കാര്ത്തിക ആറാട്ട് തിരിച്ചെഴുന്നള്ളിപ്പ്. വൈകിട്ട് 5.30ന് തൃക്കാര്ത്തിക ദേശവിളക്ക്, മീനപ്പൂര പൊന്നാന ദര്ശനം, രാത്രി 11ന് പള്ളിവേട്ട, തൃക്കാര്ത്തിക വിളക്ക്. 26ന് ആറാട്ട്. ഉച്ചയ്ക്ക് 12ന് ആറാട്ടുകടവിലേക്ക് എഴുന്നള്ളിപ്പ്. രാവിലെ 10.30 മുതല് 11.30വരെ ഉടുക്ക് കച്ചേരി, ഉച്ചയ്ക്ക് 2ന് സര്പ്പം പാട്ട്. 4ന് പാഠകം. 5 ന് ഹിന്ദു ഐക്യവേദി സംസ്ഥാന ജനറല് സെക്രട്ടറി ഇ.എസ്.ബിജുവിന്റെ പ്രഭാഷണം, 6.30ന് സംഗീത സദസ്. 9.30 മുതല് 11.30 വരെ കഥാപ്രസംഗം, സര്പ്പസത്രം ബാലെ. പത്രസമ്മേളനത്തില് ദേവസ്വം ഭരണാധികാരി സി.എന്.ശങ്കരന്നമ്പൂതിരി, ജനറല് കണ്വീനര് പി.എന്.ശശിധരന് നായര്, പബ്ലിസിറ്റി കണ്വീനര് ആനന്ദക്കുട്ടന് തുടങ്ങിയവര് പങ്കെടുത്തു.
