കണ്ണൂര്: അസോസിയേഷന് ഓഫ് ദി എമര്ജന്സി വിക്ടിംസിന്റെ ആഭിമുഖ്യത്തില് അടിയന്തരാവസ്ഥാ പീഡിതരുടെ കണ്ണൂര് ജില്ലാ സംഗമം 29 ന് കൂത്തുപറമ്പില് നടക്കും. കാലത്ത് 10 മണി മുതല് തൊക്കിലങ്ങാടി കൂത്തുപറമ്പ് ഹയര് സെക്കന്ററി സ്കൂള് ഹാളില് നടക്കുന്ന സംഗമത്തില് മുന് കേന്ദ്രമന്ത്രി ഒ.രാജഗോപാല്, അഡ്വ.പി.എസ്.ശ്രീധരന് പിള്ള, വല്സന് തില്ലങ്കേരി, ആര്.രവീന്ദ്രന് തുടങ്ങിയ സംഘപരിവാര് നേതാക്കളും എമര്ജന്സി വിക്ടിംസ് ഫോറം സംസ്ഥാന നേതാക്കളും പങ്കെടുക്കും.
സംഗമം വിജയിപ്പിക്കുന്നതിനായി കൂത്തുപറമ്പില് ചേര്ന്ന യോഗത്തില് വെച്ച് സ്വാഗതസംഘം രൂപീകരിച്ച് പ്രവര്ത്തനമാരംഭിച്ചു. ഭാരവാഹികളായി എ.ദാമോദരന്, കെ.എന്.നാരായണന്-രക്ഷാധികാരികള്, സി.എച്ച്.ബാലന്-ചെയര്മാന്, യു.മോഹന്ദാസ്-കണ്വീനര്, കെ.സി.ബാലന്, വിജയന് മാസ്റ്റര് പുന്നാട്-ജോയന്റ് കണ്വീനര്മാര്, പി.രവീന്ദ്രന്-ട്രഷറര് എന്നിവരെ തെരഞ്ഞെടുത്തു.
സ്വാഗതസംഘം രൂപീകരണയോഗത്തില് സി.എച്ച്.ബാലന് അധ്യക്ഷത വഹിച്ചു. എ.ദാമോദരന്, കെ.എന്.നാരായണന്, കെ.സി.ബാലന്, യു.കുമാരന്, വിജയന് മാസ്റ്റര്, ഗോവിന്ദന് ചാവശ്ശേരി തുടങ്ങിയവര് സംസാരിച്ചു. യു.മോഹന്ദാസ് സ്വാഗതവും പി.രവീന്ദ്രന് നന്ദിയും പറഞ്ഞു.
അടിയന്തരാവസ്ഥക്കെതിരെയുള്ള പോരാട്ടത്തില് പങ്കെടുത്ത മുഴുവന് ആളുകളും സംഗമത്തില് പങ്കെടുക്കണമെന്നും 9447689663, 9544061717 എന്നീ നമ്പറുകളില് ബന്ധപ്പെട്ട് പേര് രജിസ്റ്റര് ചെയ്യണമെന്നും സ്വാഗതസംഘം അഭ്യര്ത്ഥിച്ചു.
