കണ്ണൂര്: ചാലാട് സര്വ്വമംഗള ചാരിറ്റബിള് ട്രസ്റ്റിന്റെ ആഭിമുഖ്യത്തിലുളള സര്വ്വമംഗള സേവാ കേന്ദ്രത്തിന്റെ ഉദ്ഘാടനം 15 ന് രാവിലെ 10 മണിക്ക് നടക്കും. സേവന കേന്ദ്രത്തില് സമൂഹം നേരിടുന്ന വിവിധ പ്രശ്നങ്ങള്ക്ക് പരിഹാര നിര്ദ്ദേശം നല്കും. വിവാഹപ്രായമായിട്ടും ജാതകം, ജാതി, സാമ്പത്തികം തുടങ്ങിയ പ്രശ്നങ്ങളില്പ്പെട്ട് വിവാഹം കഴിക്കാത്തവര്, മാറാരോഗങ്ങളില്പ്പെട്ട് ദൈനംദിന കാര്യങ്ങള് മുന്നോട്ട് കൊണ്ടുപോകാന് കഴിയാത്തവര്, പരിഹരിക്കാന് പറ്റുന്ന ചെറിയ കാര്യങ്ങള് പോലും വിവാഹമോചനത്തിലെത്തിക്കുന്ന അവസ്ഥകള്, സര്ക്കാറില് നിന്നും ലഭിക്കേണ്ടുന്ന ആനുകൂല്യങ്ങള് നേടാന് പറ്റാത്ത സാഹചര്യങ്ങള് തുടങ്ങി നിരവധി പ്രശ്നങ്ങള്ക്ക് പരിഹാരമുണ്ടാക്കുക എന്നതാണ് ഈ സ്ഥാപനം കൊണ്ട് ഉദ്ദേശിക്കുന്നത്. ശ്രീമൂകാംബികാ ബാലികാ സദനം, പള്ളിക്കുന്നിലെ രാധാവിലാസം യുപി സ്കൂള്, സര്വ്വമംഗള ബുക്സ്, ആംബുലന്സ് സേവാ കേന്ദ്രം, പാവപ്പെട്ട പെണ്കുട്ടികള്ക്കുള്ള മംഗല്യനിധി, കൗണ്സിലിങ്ങ് സെന്റര്, വ്യക്തിത്വ വികസന ശിബിരം, കുട്ടികള്ക്കുളള മേടമാസക്കളരി, വിവിധ തരം കോച്ചിങ്ങ് ക്ലാസുകള്, വനവാസി മേഖലയില് സേവന പ്രവര്ത്തനങ്ങള് എന്നിവ നടത്തിവരുന്ന സര്വ്വമംഗള ചാരിറ്റബിള് ട്രസ്റ്റിന്റെ മറ്റൊരു സംരംഭമാണ് സേവാകേന്ദ്രം. 15 ന് രാവിലെ 10 മണിക്ക് കണ്ണൂര് തെക്കി ബസാര്, അശോക ഹോസ്പിറ്റലിന് സമീപമുള്ള സര്വ്വമംഗള സേവാ കേന്ദ്രത്തില് നടക്കുന്ന ഉദ്ഘാടന പരിപാടിയില് രവീന്ദ്രനാഥ് ചേലേരി അധ്യക്ഷത വഹിക്കും. ആര്എസ്എസ് സഹപ്രാന്ത സംഘചാലക് അഡ്വ.കെ.കെ.ബാലറാം സേവാകേന്ദ്രത്തിന്റെ ഉദ്ഘാടനം നിര്വഹിക്കും. പി.ജനാര്ദ്ദനന്, ടി.ഉണ്ണികൃഷ്ണന്, കെ.പി.രാജീവന്, കെ.സജീവന് മാസ്റ്റര് തുടങ്ങിയവര് സംസാരിക്കും.
സര്വ്വമംഗള സേവാ കേന്ദ്രം ഉദ്ഘാടനം 15 ന്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.