ഇരിട്ടി: തില്ലങ്കേരിയിലെ പട്ടികവര്ഗ്ഗ സംവവരണ വാര്ഡായ വട്ടപ്പറമ്പ മൂന്നാം വാര്ഡില് ഉജ്വല വിജയം നേടിയ ബിജെപിയുടെ സ്ഥാനാര്ഥി എ.കെ.ശങ്കരന് തില്ലങ്കേരിയുടെ രാഷ്ട്രീയ ചരിത്രം മാറ്റി എഴുതിയിരിക്കയാണ്. ഇടതുപക്ഷത്തിനൊഴികെ മറ്റു രാഷ്ട്രീയ പ്രസ്ഥാനങ്ങള്ക്കൊന്നും പ്രവര്ത്തനാനുമാതിപോലും നിഷേധിക്കപ്പെട്ട ഒരു ചരിത്രമുള്ള തില്ലങ്കേരിയുടെ മണ്ണില് ആദ്യമായി താമര വിരിയിച്ചിരിക്കയാണ് ഈ വിമുക്ത ഭടന്.
പട്ടിക വര്ഗ്ഗ സംവരണ വാര്ഡാണു ശങ്കരന് മത്സരിച്ച വട്ടപ്പറമ്പ്. ഇവിടെ 154 വോട്ടിന്റെ ഭൂരിപക്ഷം ഇദ്ദേഹത്തിനു നേടാനായി. ഇരുപത് വര്ഷക്കാലം സൈനിക സേവനം ചെയ്ത ശങ്കരന് ഇതില് നിന്നും പിരിഞ്ഞ ശേഷം നാട്ടില് പൊതുപ്രവര്ത്തനമാണ് തിരഞ്ഞെടുത്തത്. ഒരു തുണ്ട് ഭൂമിയില്ലാതെ കഷ്ടപ്പെട്ട നാട്ടിലെ ആനക്കുഴിയിലെ പണിയ വിഭാഗത്തിനായി ഐതിഹാസികമായ സമരം നയിച്ച് ഈ വിമുക്തഭടന് ഇവര്ക്ക് ഭൂമി ലഭ്യമാക്കിക്കൊടുത്തു. ബിജെപി തില്ലങ്കേരി പഞ്ചായത്ത് സിക്രട്ടറിയും ആലയാട് പുരുഷ സ്വാശ്രയ സംഘം ട്രഷററും കൂടിയാണ് ശങ്കരന്, ഇദ്ദേഹം തില്ലങ്കേരിയുടെ മണ്ണില് രചിച്ചിരിക്കുന്ന ഈ ചരിത്ര വിജയം എന്നും ചുവന്ന മണ്ണെന്ന്! വിശേഷിപ്പിക്കാറുള്ള ഈ പഞ്ചായത്തില് ബിജെപിയുടെ കാല്വെപ്പുകള്ക്ക് കുതിപ്പേകും എന്ന് തന്നെ ഉറപ്പിച്ച് പറയാം.
